【歐聯十六強】鏖戰210分鐘+十二碼奠勝 阿仙奴終於打破十六郎宿命 精選

連續兩場被波圖嘅防守重重圍困，最後要靠十二碼先過到關。阿仙奴喺英超聲勢如洪，幾經辛苦終於成功晉身歐聯八強，喺歐聯改制前打破宿命，一騷14年之癢。

牌面爬過人唔止幾條街，各自喺自己嘅聯賽表現更加天差地遠，阿仙奴首回合作客波圖以0-1敗陣，原本已經爆冷嘅表現。波圖主帥干斯卡奧絞盡腦汁，打破阿仙奴主攻嘅節奏，最終喺補時入球奠勝。

歐聯兩回合之間，波圖喺葡萄牙國內四場不敗，當中更以5-0大炒競敵賓菲加，昂首迎戰有馬天尼利受傷嘅阿仙奴。近幾場阿迪達將夏維斯推上偽九號位置，試驗佢同托沙之間嘅化學效應，加上有佐真奴正選坐陣中場，冷靜控制節奏、傍住沙卡、沙列巴等等年青主將之餘，同時比奧迪加特加多自由度。