雙雄你來我往 合演經典終章｜利物浦 1-1 曼城｜比賽分析 精選

高普哥帥強強對話走到終章，呢場1-1嘅平局，標誌住一個英超時代嘅結束。
利物浦上個月勇奪英聯盃嘅經驗話比大家聽，佢哋嘅年輕新血有問鼎錦標嘅能力，但要對陣曼城呢類咁強勁嘅對手，高普（Jürgen Klopp）都係小心為上。正選排出五個青訓產品，3個係年僅20、21歲嘅年輕人，只有客串左閘嘅高美斯比較有經驗，當中仲未計今季臨危受命嘅門將基利靴。傷兵問題困擾之下，唔止用人謹慎，排陣上可以用比較保守嚟形容，狀態幾fit嘅遠藤航坐陣防中位置，中場將艾利奧特推上翼鋒。