新帥領銜、艾斯復出 水晶宮變陣後重新出發 精選

水晶宮今季多災多難，核心球員傷完一個又一個，又被迫面對換帥後嘅適應期。進攻主將艾斯（Eberechi Eze）嘅復出，能唔能夠為球隊穩定季尾嘅戰績呢？

過去幾季以嚟，由韋拉退位到鶴臣回歸，水晶宮由期望甚大到打回原型，至少一直喺英超中下游不過不失。但今季由季中開始嘅突發事件，令佢哋有可能要加入護級行列，前線雙子奧利斯、艾斯傷出之後，又有後防大將基爾要抖到四月頭，仲有中場主力杜古利都要倦勤。最令人婉惜嘅，係老帥鶴臣不敵歲月無情，近日以健康因素球隊再度分手。