【歐聯十六強】安帥上半場保守陣容無起色 萊比錫狂攻仍無阻皇馬晉級 精選

貴為歐聯常勝軍嘅皇家馬德里，對RB萊比錫喺主場被迫和1-1，兩回合總計2-1晉級歐聯八強，但呢場次回合唔算贏得有說服力，主因在於主帥安察洛堤（Carlo Ancelotti）嘅策略選擇，差啲令球隊大熱倒灶。

首回合喺主場0-1落後，萊比錫今場作客班拿貝率先採取主動，佢哋招牌嘅4-2-2-2陣式收縮球場中央，唔同嘅係軒歷治斯去返右閘位置，中場換上希達拉同舒拿加拍住上，身前有丹尼奧姆、施蒙斯兩個十號位掩護。