【曼市打吡】曼聯上半場防守硬淨，奈何晚節不保 精選

週日曼市打吡，曼城主場3-1擊敗曼聯。紅魔鬼敗陣唔令人意外，但佢哋上半場嘅防守確係值得一讚。

曼聯近期的確有唔少變化，領隊坦赫（Erik ten Hag）今日擺出自從季初以嚟幾乎冇用過嘅三防中陣式，但唔係季初嘅4-3-1-2，而係防守時將般奴費南迪斯（Bruno Fernandes）推上箭頭，拉舒褔特、加拿祖分居兩翼，做法上全陣死守。呢個陣式嘅重點，係要防守曼城以迪布尼、貝拿度施華為核心嘅中場，卡斯美路、文奴呢對一老一幼嘅防中會負責緊貼佢哋。