啱啱喺英聯盃決賽捧盃，利物浦馬上再出戰第二個英格蘭本土盃賽，喺足總盃以青年軍為骨幹，3-0擊敗英冠球隊修咸頓，昂首晉級八強。
由溫布萊返返去晏菲路僅僅幾日嘅時間，但唔同嘅係幾位英聯盃捧盃功臣都因傷缺陣， 包括加雲貝治（Gravenberch）、遠藤航（Wataru Endo）等等，今場波三中場組合非常新鮮，由青訓營大師兄祖高美斯（Joe Gomez）客串防中，帶住波比奇勒（Bobby Clark）、占士麥干奴（James McConnell）兩位小將，成功喺修咸頓面前控制住中場。
而面對利物浦嘅「童子軍」，修咸頓嘅經驗比較優勝，加上佢哋喺上一場英冠比賽有大幅輪換，今場波唔少球員都好fit，喺上半場同英超前列嘅對手打成均勢。開局冇耐，左翼蘇利文拿已經有個中柱射門，由般尼茅夫借用嘅中場洛夫維都有射偏，幾乎喺客場早早領先。
但呢班「童子軍」勝在有足夠嘅鬥心，而喺呢個勢均力敵嘅上半場，主隊利物浦始終都係氣勢逼人。青年軍中場出身嘅古馬斯（Lewis Koumas）近兩年先轉打前鋒，首次為一隊上陣擔當左翼，44分鐘接應奇勒嘅傳波，一腳突破再射入底角，為紅軍喺上半場領先1球。
下半場就係丹斯（Jayden Danns）嘅舞台，呢位18歲前鋒繼英聯盃決賽後，再度以後備嘅身份出場。修咸頓70分鐘變陣，但利物浦攻勢更加凌厲，全場錄得4個射門嘅丹斯個人梅開二度，表現更勝上半場正選中鋒加普，為紅軍打出一場3-0嘅大勝。
一個星期之內，利物浦用小將連贏兩場盃賽，領隊高普（Jürgen Klopp）對呢班年輕人投以絕對嘅信心，包括今日第二次為球會打正選嘅中場孖寶。對喺佢哋身後改打防中嘅祖高美斯，高普更加喺讚譽有加：「祖高美斯先係重點，要更加尊重佢，佢救咗我哋，連同班細路令我哋繼續留喺呢條戰線。」
由溫布萊返返去晏菲路僅僅幾日嘅時間，但唔同嘅係幾位英聯盃捧盃功臣都因傷缺陣， 包括加雲貝治（Gravenberch）、遠藤航（Wataru Endo）等等，今場波三中場組合非常新鮮，由青訓營大師兄祖高美斯（Joe Gomez）客串防中，帶住波比奇勒（Bobby Clark）、占士麥干奴（James McConnell）兩位小將，成功喺修咸頓面前控制住中場。
而面對利物浦嘅「童子軍」，修咸頓嘅經驗比較優勝，加上佢哋喺上一場英冠比賽有大幅輪換，今場波唔少球員都好fit，喺上半場同英超前列嘅對手打成均勢。開局冇耐，左翼蘇利文拿已經有個中柱射門，由般尼茅夫借用嘅中場洛夫維都有射偏，幾乎喺客場早早領先。
但呢班「童子軍」勝在有足夠嘅鬥心，而喺呢個勢均力敵嘅上半場，主隊利物浦始終都係氣勢逼人。青年軍中場出身嘅古馬斯（Lewis Koumas）近兩年先轉打前鋒，首次為一隊上陣擔當左翼，44分鐘接應奇勒嘅傳波，一腳突破再射入底角，為紅軍喺上半場領先1球。
下半場就係丹斯（Jayden Danns）嘅舞台，呢位18歲前鋒繼英聯盃決賽後，再度以後備嘅身份出場。修咸頓70分鐘變陣，但利物浦攻勢更加凌厲，全場錄得4個射門嘅丹斯個人梅開二度，表現更勝上半場正選中鋒加普，為紅軍打出一場3-0嘅大勝。
一個星期之內，利物浦用小將連贏兩場盃賽，領隊高普（Jürgen Klopp）對呢班年輕人投以絕對嘅信心，包括今日第二次為球會打正選嘅中場孖寶。對喺佢哋身後改打防中嘅祖高美斯，高普更加喺讚譽有加：「祖高美斯先係重點，要更加尊重佢，佢救咗我哋，連同班細路令我哋繼續留喺呢條戰線。」
請按此登錄後留言。未成為會員? 立即註冊