【上訴成功】扣十分變扣六分，愛華頓護級見𥌓光

英超老牌球會愛華頓今季表現不濟，季中仲因為被裁定違反財政公平條例，而被英超賽會扣10個積分，一夕之間變成降班大熱。不過，愛華頓嘅上訴結果今個星期出爐，作為懲罰嘅扣分由10分變成4分，排名一下子升到去第15名。

至少，愛華頓冇否認過自己有超支導致違規嘅問題，呢單上訴係不滿扣10分嘅懲罰太重。 2018-2021年期間，愛華頓錄得£124.5M嘅損失，超過PSR對英超球會三季間最多損失£105M嘅限制。愛華頓表示官方發出聲明，對上訴結果表示滿意。
回顧吓呢段時間愛華頓嘅轉會，開初有伊禾比、薛迪比等等球員加盟增加戰力，安察洛堤執教後銳意大執陣型，簽入占士洛迪古斯、賓葛菲、阿倫、杜古利等等球員。但球會嘅方向愈嚟愈迷離，安察洛堤離隊後，愛華頓比較大名氣嘅新援，係諸如迪利阿里、雲迪碧克等等喺其他大球會得不到機會嘅球星。

轉會費同人工嘅支出，冇辦法用收入嚟填補，造成違規嘅後果。而呢段時間加盟嘅球員，到而家喺球會企穩主力嘅，有轉型成功嘅杜古利、2021年加盟嘅左閘米高連高，以及2019年以£1M加盟，當年只有17歲嘅中堅班夫韋治。

愛華頓積分急升至15名，暫時解除降班風險，但對上一次聯賽勝仗，已經要數到12月中，當時作客以2-0擊敗升班馬般尼後，至今已經9場不勝，5和4負只得5分。對一支急需搶分嘅球隊嚟講，相當危急。雖然9場不勝，但愛華頓新年之後嘅進步，大家都有目共睹。尤其是喺防守嘅穩定性上，臨到比賽末段都可以保持一致，達高斯基、班夫韋治呢pair中堅組合功不可沒。2024年嘅比賽，冇一場失超過3球。而呢個9場不勝嘅走勢之中，最近期嘅6場係5和1負，唯一嘅敗仗係輸比曼城。

扣10分變變扣6分，變相加返4分，加上近日嘅進步，護級形勢明朗咗好多。