紐卡素要賣人填數 阿米朗賣唔賣好？ 精選

紐卡素近年重本投資買入球員，而家到咗要「找數」嘅時候，開始有核心球員被視為球會「填數」嘅犧牲品。上季打得風生水起，協助球隊重返歐聯嘅右翼阿米朗（Miguel Almirón），正正係其中之一。

縱合《The Athletic》嘅報導，紐卡素CEO艾爾斯（Darren Eales）已經開咗口，為咗滿足英超賽會嘅規則，每個球員都會有標價，人人都可能被賣。但現實情況係，球隊都需要有核心嘅球員嚟支撐，先可以保持強勢。當中，右閘查比亞、前鋒威爾遜被視為非賣品，而喺近日中堅傷患潮之中重拾表現嘅正隊長拿索斯，都唔會被會方出售。