【里昂包尾】今季第三個領隊！格羅素點樣執？ 精選

里昂喺法甲包尾，由轉會窗嘅操作，到上到場嘅戰術，都有一大堆值得批評嘅位。而家由意大利名宿格羅素（Fabio Grosso）執掌球隊，已經係半季內第三個教過波嘅領隊。

上季里昂，原本係由荷蘭教頭保斯執教嘅第二個球季，但季初成績乜冇起色，保斯帶咗十場就落鑊，轉由法國名帥白蘭斯（Larent Blanc）執教。

呢位前巴黎聖日耳門主帥喺里昂嘅第一個理念，就係重視青訓球員，尤其是巴高拿、盧基巴呢對青訓孖寶嘅掘起，令球隊能夠踢出有速度嘅踢法，最後排名第7名收季，已經算係唔錯。過程之中，更加贏過PSG、摩納哥等等強隊，令人對白蘭斯第二季相當期待。