里昂淪落法甲包尾！夏季轉會操作已經決定一切 精選

堂堂法國傳統勁旅，里昂今季竟然排包尾。戰術上嘅失效，當然有唔少嘢值得探討，但一切嘅混亂，都係源自於里昂喺轉會窗嘅操作，令球隊損失極大量嘅戰力。

據轉會網站TransferMarkt嘅統計，里昂今季嘅夏季轉會窗嘅買賣之中，收入€107.21M，支出€19.34M。當然，每筆轉會特性唔一樣，包括轉售、奬金等等，難以一次過計條大數出嚟，呢個計法都只係一個大概。但收入同支出咁大差距，球隊就要用陣中尚有嘅球員嚟穩定戰績，而家嘅排名好明顯話你聽，呢個諗法完全失敗。