加維「太公波」膝傷收咧 巴塞或成最大輸家 精選

巴塞隆拿同西班牙國家隊之間，恩恩怨怨向來難分難解，今輪國際賽期嘅「太公波」，竟然傷埋加維（Gavi），無疑係火上加油。

歐國盃外圍賽，西班牙早就確定晉級，今輪國際賽期對陣格魯吉亞、塞浦路斯呢兩隊同組魚腩，本質上係「例行公事」。主帥迪拉富恩迪嘅征召名單之中，加入咗荷西路、拿華斯、基馬度、蘇比文迪等等甚少喺國際賽亮相嘅國腳，前幾日作客塞浦路斯贏3-1之後，今場返返主場對格魯加吉亞，正選陣容只保留加維同後衛利諾文特（Robin Le Normand）。