【基朗拿】擅用球員特性，佈陣邏輯清晰，成就呢支黑馬｜戰術分析 精選 深度

今季西甲黑馬基朗拿，用質素唔算優秀嘅人腳，打出相當進取嘅戰術。主帥米曹（Míchel）經驗尚淺，但想法清𥇦，善用人腳嘅優勢，砌出一套進攻效率高嘅陣容，

基朗拿陣式以4-1-4-1為本，進攻嘅時候就盡量展開3-4-3。新加盟嘅兩位用波型中堅，白蘭特（Daley Blind）同艾歷加西亞（Eric García）係基朗拿中堅鐵膽，旨在比球隊有最基本嘅後場傳控能力，作為一切組織戰術嘅根基。視乎每場嘅對手嘅特性，米曹再決定擺出右閘阿拿馬天尼斯（Arnau Martínez），定係防中大衛盧比斯（David Lopez），令球隊可以喺控球在腳時展開成三中堅，加上門將加沙尼加，形成球隊後場傳控嘅基礎。