重拾身價的一季 Dest外借燕豪芬決定正確 精選

降低比賽標準，謀求一個重生嘅機會，好多球員都會咁做。今季重返荷甲嘅美國閘位迪斯（Sergiño Dest），就係一個好例子。

迪斯喺荷蘭長大，由阿積士青訓營出道，2020年以閘位超新星之姿，加盟由前輩朗奴高文執教嘅巴塞隆拿。初頭有唔少表現機會，但隨住巴塞嘅混亂，同埋高文嘅離任，令迪斯漸漸失去上陣時間，被借去AC米蘭尋求機會。巴塞上季重奪西甲冠軍，沙維上季嘅陣容裏面，右閘位置由阿羅祖、高安迪兩個中堅分別客串，今季更有簡些路強勢加盟，令迪斯今季要再度外借。