西甲榜首基朗拿 - 主動進攻，力壓巴皇，細會榜樣 精選

巴塞隆拿為衛冕而不斷努力，皇家馬德里有幾個神童大爆發。西甲傳統兩強相爭，但今季最擔心嘅，係基朗拿嘅異軍突起。12輪比賽過去，基朗拿重奪西甲榜首席位，今季表現相當值得期待。

基朗拿係加泰隆尼亞的細球會，2022年升班重回西甲，護級第一季進佔前十，戰績相當唔錯。當然，球會冇咩資源比隊波買球星，但球探喺有限嘅選擇下，揀中最幫助到球會嘅人選。今季重要新援好多都係免費加盟（白蘭特、加沙尼加）同借用（艾歷加西亞、沙維奧），甚至用不足1000萬歐元嘅價格買入（恩高靴里拉、杜夫碧）。