贏表現輸氣勢，坦赫難辭其咎 精選

就算判決幾唔公平，幾有爭議，哨子吹咗就係吹咗。今日呢場波，曼聯由領紅到失球，都有具爭議嘅判決所導致嘅成份在內。既成事實，作為領隊就要迅速穩定軍心，做好危機管理，拎出解決方案，避免連鎖效應，引致最差嘅結局。

奈何，曼聯嘅混亂，就喺拉舒褔特領紅，到半場補時完之間，呢十幾分鐘展示出嚟，最終導致歐聯墊底嘅結果，主帥坦赫難辭其咎。