【紐卡素 0-1 多蒙特】主場勇態下小輸1球，紐卡素輸得並唔難睇！ 精選

乘近日喺主場嘅威勢，紐卡素希望能夠再進一步，減低東拿利缺賽10個月而成而對士氣嘅影響。但可惜事與願違，比多蒙特以1-0踢館。

對賽兩軍上季都打出令人為之振奮嘅一季，紐卡素改朝換代後直接升上英超前列，相隔多年再戰歐聯。而多蒙特喺德甲更加係一度領先唔少，喺最後關頭先至失落德甲冠軍。無奈，兩者今季喺死亡之組碰頭，一旦賽果失利，出局嘅機會就大增不少。而兩軍賽前喺各項賽事都已經五連不敗，令呢場歐聯大戰更添看頭。