均勢只維持半個鐘，PSG主場步步為營，大炒AC米蘭三蛋 精選

週中歐聯賽事，巴黎聖日耳門上一場被紐卡素迎頭痛擊，而呢場波就贏返轉頭，以3-0大炒AC米蘭，喺王子公園球場揚威。對AC米蘭嚟講，啱啱先喺國內大戰主場輸比祖雲達斯，歐聯又輸得難睇，球隊實在有待調整。

開波兩隊都係防守大戰，用4-3-3陣式配以活動能力高嘅中場嚟壓迫對手，迫出失誤後重奪球權，使得兩隊都唔能夠如願地從後場開始組織上去。猶其是作客嘅AC米蘭，中場梅沙（Yunus Musah）同中堅杜莫利（Fikayo Tomori），全場合共有7次攔截後奪回球權嘅表現，就咁睇數據真係唔似會大敗一場。