展開人生新一章，美斯加盟邁阿密國際，帶領喺聯賽盃兩連勝。告別天色陰暗嘅巴黎，球王臉上真摯嘅笑容，喺陽光普照嘅邁阿密再度展現。
兩年前嘅財政危機，令巴塞隆拿唔能夠為美斯註冊，本身傾好嘅續約一夕成空，導致呢兩年美斯效力巴黎聖日耳門。好聽啲講係延續職業生涯，但難聽啲講就係走投無路。到今季合約完結，美斯曾經同巴塞傾過回歸，但最後都係無法成行。
「我係好想返嚟巴塞，但經歷上一次離開，我唔想再重覆同樣嘅事。」《每日體育報》、《世界體育報》，加泰隆尼亞兩大媒體，一齊同美斯喺巴黎做專訪，訴說自己離開巴黎、同巴塞傾回歸，但最後決定去美國嘅心路歷程。
美斯強調，唔希望自己嘅將來交由他人掌控：「當時（2021年）我走嗰陣，佢哋話說西甲賽會已經接受咗所有提案，但最後都係續唔到約。我好怕同樣嘅事情再度發生，要再次推翻自己嘅決定。」當年嘅意外，令堂堂美斯一度無班落，配得起佢份大約嘅，就只有財大氣粗嘅PSG。呢兩年喺巴黎，美斯都唔算太孤單，迪馬利亞、尼馬同美斯一向老友鬼鬼，甚至同拉莫斯都可以化干戈為玉帛。但重點係，美斯本身冇諗過要喺呢度發展，佢除咗自己之外，仲要兼顧埋老婆同幾個仔嘅未來。
效力兩年攞唔到歐聯，加上喺世界盃決賽擊敗法國，返到巴黎後被自己球迷狂噓，令美斯同PSG愈嚟愈冇可能續約。季尾因放假問題而被會方停賽，雙方把心一橫正式分手，令美斯有更多時間思考前路，最後得出前往美國嘅決定。着上全新嘅粉紅戰衣，美斯上星期地標戰後備上陣，帶領球隊戰至補時階段，招牌罰球收死對手冇仇報，英雄本色首場盡現。休息三日後正選上陣，上半場右腳兩度開弓，下半場再一個助攻，總計大炒對手4-0。對陣藍十字、阿特蘭大聯斬獲兩連勝，美斯喺美國嘅職業生涯，豪取開門紅！
當然，美國足球實力同歐洲差天共地，半年前登上世界頂峰，而家就去到美國踢波，hater難免會話佢刷數據。但事實上，美斯已經達成咗世界盃冠軍呢個生涯最終成就，36歲嘅年紀都唔細，如果無辦法如己所願回歸巴塞，降低職業標準去尋求理想新生活，順便賺埋生涯最後一份大約，都係可以理解嘅事。
「如果巴塞嗰邊搞唔掂，咁我就會離開歐洲，遠離鎂光燈，為家人著想更多。」呢個，就係美斯而家嘅決定。
兩年前嘅財政危機，令巴塞隆拿唔能夠為美斯註冊，本身傾好嘅續約一夕成空，導致呢兩年美斯效力巴黎聖日耳門。好聽啲講係延續職業生涯，但難聽啲講就係走投無路。到今季合約完結，美斯曾經同巴塞傾過回歸，但最後都係無法成行。
「我係好想返嚟巴塞，但經歷上一次離開，我唔想再重覆同樣嘅事。」《每日體育報》、《世界體育報》，加泰隆尼亞兩大媒體，一齊同美斯喺巴黎做專訪，訴說自己離開巴黎、同巴塞傾回歸，但最後決定去美國嘅心路歷程。
美斯強調，唔希望自己嘅將來交由他人掌控：「當時（2021年）我走嗰陣，佢哋話說西甲賽會已經接受咗所有提案，但最後都係續唔到約。我好怕同樣嘅事情再度發生，要再次推翻自己嘅決定。」當年嘅意外，令堂堂美斯一度無班落，配得起佢份大約嘅，就只有財大氣粗嘅PSG。呢兩年喺巴黎，美斯都唔算太孤單，迪馬利亞、尼馬同美斯一向老友鬼鬼，甚至同拉莫斯都可以化干戈為玉帛。但重點係，美斯本身冇諗過要喺呢度發展，佢除咗自己之外，仲要兼顧埋老婆同幾個仔嘅未來。
效力兩年攞唔到歐聯，加上喺世界盃決賽擊敗法國，返到巴黎後被自己球迷狂噓，令美斯同PSG愈嚟愈冇可能續約。季尾因放假問題而被會方停賽，雙方把心一橫正式分手，令美斯有更多時間思考前路，最後得出前往美國嘅決定。着上全新嘅粉紅戰衣，美斯上星期地標戰後備上陣，帶領球隊戰至補時階段，招牌罰球收死對手冇仇報，英雄本色首場盡現。休息三日後正選上陣，上半場右腳兩度開弓，下半場再一個助攻，總計大炒對手4-0。對陣藍十字、阿特蘭大聯斬獲兩連勝，美斯喺美國嘅職業生涯，豪取開門紅！
當然，美國足球實力同歐洲差天共地，半年前登上世界頂峰，而家就去到美國踢波，hater難免會話佢刷數據。但事實上，美斯已經達成咗世界盃冠軍呢個生涯最終成就，36歲嘅年紀都唔細，如果無辦法如己所願回歸巴塞，降低職業標準去尋求理想新生活，順便賺埋生涯最後一份大約，都係可以理解嘅事。
「如果巴塞嗰邊搞唔掂，咁我就會離開歐洲，遠離鎂光燈，為家人著想更多。」呢個，就係美斯而家嘅決定。
請按此登錄後留言。未成為會員? 立即註冊