阿仙奴的昔日新星 - 史密夫路維終於復出，但季尾恐怕難有發揮空間 精選

現任阿仙奴「10號仔」史密夫路維已經缺陣多時，啱啱完成咗9月以嚟嘅第一場波：喺英格蘭U-21為國上陣。要睇佢再次披上兵工廠波衫，唔知仲要等到幾時？

開季以嚟，史密夫路維嘅腹股溝肌腱一直有隱疾，喺9月決定開刀治理。當時預定12月可以全面復操，但到今年3月先至完全消除痛楚，達到可以上陣比賽嘅程度。身體搞返掂，之後要調整嘅就係作戰狀態。