【阿根廷奪冠】世一之路跌跌撞撞，阿根廷終於打破宿命！ 精選

今日，就比呢班阿根廷球迷盡興一番。

呢個世界盃冠軍，代表住美斯對宿命嘅不屈，喺35歲高齡依然能夠成就傳奇。呢個世界盃冠軍，代表阿根廷球迷苦等多年，終於有撥開雲霧見青天嘅一日。呢個世界盃冠軍，代表阿根廷一眾後輩，終於可以以一個大力神盃，向已經逝去嘅球王馬勒當拿致敬。
八年前喺巴西，阿根廷同德國纏鬥120分鐘，最後喺一個防守犯錯之下輸0-1，嗰種不甘同不忿，到今日喺卡塔爾一次過補償。當年決賽陣容，到而家只剩美斯同迪馬利亞兩個大佬，依然有能夠留喺度，成就當年做唔到嘅高峰。