6奪歐聯錦標 4個皇馬球員達成歷史之最 精選

皇家馬德里奪得2024年歐聯冠軍，奠定呢支由比寧咸、祖亞文尼、卡馬雲加、雲尼素斯等等年青球員做核心嘅新銀河鑑隊，喺歐聯歷史之中嘅地位。而兩年前皇馬奪得歐聯冠軍之時，陣中已經有幾個球員嘅歐聯冠軍數字，累積到5個，當時已經係現役最多。

隨住卡斯米路、賓施馬離隊，皇馬以極快速度重組完成，而家再一次踏上歐洲之巔。2024年嘅歐聯冠軍，標誌住皇馬陣中有4個球員達成歷史成就，成為歐聯喺1991年改制至今，最多次奪得歐聯冠軍嘅球員，總共6次。