傷患影響排陣選擇，咁嘅情況下，利物浦都成功1-1迫和曼城，算係對隨隊作客嘅球迷有交代。
今季利物浦主力陣容，有左閘羅拔臣、中場泰亞高需要長抖。唔計佢兩個，喺作客曼城嘅大戰之前，後衛干拿迪、祖高美斯、中場加雲貝治、居迪斯鍾斯呢四個球員，都係啱啱復操冇耐。球隊唔能夠以100%狀態應戰，加上好似高普所講，國際賽期後第一場波喺星期六中午踢，對球員體能點都會有負擔。
而四位剛剛歸隊嘅球員，最後只有鍾斯列陣正選。呢位青訓小將牌面上係4-3-3嘅左中場，防守時有唔少移去右邊嘅畫面，同阿歷山大阿諾合力防守曼城嘅翼鋒杜古，幫TAA減輕唔少壓力。但係，佢身後嘅位置空咗出嚟，沙拿又唔係成日都回防，被曼城嘅貝拿度施華利用，今場發揮唔少。
而高普為咗填補呢個空位，安排加雲貝治喺54分鐘入替鍾斯，同樣係啱啱復出嘅球員。
羅拔臣嘅受傷，令高普今季非常之頭痕。羅拔臣一向係利物浦嘅正選左閘，加盟以嚟嘅成長球迷都有目共睹。上季季尾開始，高普研發出新嘅組織戰術，簡單講就係由「雙閘齊飛」變成「雙閘齊收」，阿歷山大阿諾內收到中場，同防中一齊逗住個底，而羅拔臣就收入中堅位置，同另外兩個中堅形成三中堅，加上前面嘅阿歷山大阿諾同防中，令利物浦中路更加緊密。
可惜，上個月嘅國際賽期，羅拔臣膊頭甩骹，要開刀治理，預計出年先見到佢回歸。森美卡斯首當其衝，係左閘嘅熱門人選，但高普喺記者面前都提到祖高美斯，要佢同森美卡斯一齊分擔左閘嘅上陣時間。
兩位後備球員嘅風格都好唔同。森美卡斯速度飛快，喺前場有唔少威脅，可以幫利物浦左路拉邊，喺左邊接波後迅速進入三閘線，迫使對手右路球員補位，間接幫利物浦隊友拉開更多空間。相較於森美卡斯明顯係出擊型閘位嘅特性，祖高美斯係「通天老倌」類型，左中右三個位置都可以出任，防守能力強過森美卡斯，亦可以填補上文所講，羅拔臣內收中堅組織嘅角色。最後，高普選擇用森美卡斯打呢場大戰，踢足90分鐘，但佢嘅活動範圍比曼城限制咗喺自己半場，連帶影響佢同左翼祖達嘅互動。而雲迪克多咗喺左邊出現，組織時一人分飾左中堅、中中堅兩角，體力負擔比較多。
調返轉諗，如果高普比高美斯正選，前面用迪亞斯喺左路製造攻勢，利物浦同曼城之間，會唔會又拉得近啲呢？
今季利物浦主力陣容，有左閘羅拔臣、中場泰亞高需要長抖。唔計佢兩個，喺作客曼城嘅大戰之前，後衛干拿迪、祖高美斯、中場加雲貝治、居迪斯鍾斯呢四個球員，都係啱啱復操冇耐。球隊唔能夠以100%狀態應戰，加上好似高普所講，國際賽期後第一場波喺星期六中午踢，對球員體能點都會有負擔。
而四位剛剛歸隊嘅球員，最後只有鍾斯列陣正選。呢位青訓小將牌面上係4-3-3嘅左中場，防守時有唔少移去右邊嘅畫面，同阿歷山大阿諾合力防守曼城嘅翼鋒杜古，幫TAA減輕唔少壓力。但係，佢身後嘅位置空咗出嚟，沙拿又唔係成日都回防，被曼城嘅貝拿度施華利用，今場發揮唔少。
而高普為咗填補呢個空位，安排加雲貝治喺54分鐘入替鍾斯，同樣係啱啱復出嘅球員。
羅拔臣嘅受傷，令高普今季非常之頭痕。羅拔臣一向係利物浦嘅正選左閘，加盟以嚟嘅成長球迷都有目共睹。上季季尾開始，高普研發出新嘅組織戰術，簡單講就係由「雙閘齊飛」變成「雙閘齊收」，阿歷山大阿諾內收到中場，同防中一齊逗住個底，而羅拔臣就收入中堅位置，同另外兩個中堅形成三中堅，加上前面嘅阿歷山大阿諾同防中，令利物浦中路更加緊密。
可惜，上個月嘅國際賽期，羅拔臣膊頭甩骹，要開刀治理，預計出年先見到佢回歸。森美卡斯首當其衝，係左閘嘅熱門人選，但高普喺記者面前都提到祖高美斯，要佢同森美卡斯一齊分擔左閘嘅上陣時間。
兩位後備球員嘅風格都好唔同。森美卡斯速度飛快，喺前場有唔少威脅，可以幫利物浦左路拉邊，喺左邊接波後迅速進入三閘線，迫使對手右路球員補位，間接幫利物浦隊友拉開更多空間。相較於森美卡斯明顯係出擊型閘位嘅特性，祖高美斯係「通天老倌」類型，左中右三個位置都可以出任，防守能力強過森美卡斯，亦可以填補上文所講，羅拔臣內收中堅組織嘅角色。最後，高普選擇用森美卡斯打呢場大戰，踢足90分鐘，但佢嘅活動範圍比曼城限制咗喺自己半場，連帶影響佢同左翼祖達嘅互動。而雲迪克多咗喺左邊出現，組織時一人分飾左中堅、中中堅兩角，體力負擔比較多。
調返轉諗，如果高普比高美斯正選，前面用迪亞斯喺左路製造攻勢，利物浦同曼城之間，會唔會又拉得近啲呢？
請按此登錄後留言。未成為會員? 立即註冊