【韋拉離隊】韋拉帶領水晶宮脫胎換骨，敗在管理層野心欠奉的收購 精選

曾經喺水晶宮宣佈退休嘅鶴臣，再次執起呢支倫敦球會嘅教鞭。此前，阿仙奴傳奇人物韋拉（Patrick Vieira），喺英超首次嘅執教生涯，亦以一季半多啲嘅時間告終。

短短嘅英超之旅，韋拉證明咗自己係一個有野心嘅教練。佢亦有能力活用年輕資源，喺練人嘅同時維持英超喺生存嘅本錢。但水晶宮呢支球隊，滿足唔到韋拉嘅野心，問題終於隨2023年後成績滑落而爆煲，球會最後唯有分手求變，但求保住來季嘅英超席位。