阿仙奴鋒線困境 - 與其病急亂投醫，不如穩陣繼續上 精選

連逐兩季競逐榜首地位嘅阿仙奴，喺新年前後遭逢挫折，近期英超連續三場不勝之餘，足總盃喺出少量副選嘅情況下，被利物浦2-0踢出局。捷西斯近期膝頭有小傷，穩陣起見暫時先收起，前鋒由夏維斯擔正對利物浦，前場迫搶踢得唔錯，全場射門、控球都係稍稍領先，但最後都係以零入球告終。

呢四場波，阿仙奴只入到2球，攻力疲乏嘅同時，又適逢冬季轉會窗開啟，觸發外界對買箭頭嘅討論。但而家嘅問題，真係可以透過一單交易嚟解決咩？