【車仔青訓】12場正選幾乎踢足，加拉加跑出一片天 精選

將而家猶如一片廢墟嘅車路士，化為自己顯露身價嘅舞台。干拿加拉加（Conor Gallagher）漸漸擺脫迷惘，成為球隊最倚重嘅球員之一。

加拉加自從8歲開始就加入車路士青訓營，憑努力扶搖直上，19歲嗰年成為青年隊最佳球員，並被提拔上一隊，之後恪守球隊對青訓嘅「傳統」，不斷外借吸收經驗。2021年以借將身份加盟水晶宮之後，加拉加打出生涯最好嘅一季，作為4-3-3正中場嘅佢，展現出優秀嘅box-to-box潛力，透過跑動增加覆蓋面，打生水晶宮前中後三路，自己都收獲8個聯賽入波，季後被選為水晶宮單季最佳球員。