前利物浦隊長佐敦軒達臣（Jordan Henderson）今季轉戰沙特聯Al-Ettifaq，飽受外界批評。國際賽期藉三獅大軍徵召而返回英格蘭備戰，對澳洲嘅友誼賽出陣62分鐘，表現無甚亮點，更被溫布萊主場球迷狂噓，情況相當尷尬。「比自己嘅球迷噓，一定唔好受。」軒達臣賽後話表示理解。
2023年係世界球壇歷史嘅重要一年，皆因沙特阿拉伯聯賽異軍突起，以金元攻勢打亂以往轉會市場嘅運作。年初以C朗拿度為首，夏天唔少球員都被高薪挖角，唔少更係處於當打之年嘅頂級球星，33歲嘅軒達臣正正係其中一個具代表性嘅人物。作為利物浦隊長，軒達臣完成咗歐聯、英超冠軍嘅成就。場外，佢對LGBT+族群長久以來嘅支持，係佢受歡迎嘅原因之一。但而家就去一個打壓性小眾嘅國家賺錢，出戰同歐洲相差甚遠嘅足球聯賽，價值觀嘅衝擊，以及競技水平嘅大跌，令佢呢趟轉會飽受批評。
「如果球迷因為我踢波嘅地方而噓我，咁我都冇咩所謂。而家球員好多去沙特，每個人意見唔同好正常。」作為沙特聯球星之一，軒達臣言談間已經趨向保守，更表示支持沙特阿拉伯主辦2034年世界盃。今年九月喺《The Athletic》嘅採訪就解釋，自己唔係為咗錢，價值觀都冇變，但要「尊重」沙特嘅宗教同文化。
呢個解釋當然好難服眾，但又唔係個個都有勇氣將「挖金」二字講出口。 「我已經講過理由係乜，啲人信唔信係佢哋嘅事。但我喺英格蘭國家隊付出一切努力，呢點一定唔會變。」軒達臣話自己唔係政客，淨係想盡自己球員嘅本份：踢波、贏波。
撇除佢喺價值觀上面嘅矛盾，純以以競技角度嚟睇，近兩年喺利物浦，軒達臣已經有老化嘅跡象，球場覆蓋面減少之餘，上陣時間亦有銳減，仲要面對艾利亞治、鍾斯等等師弟嘅直接競爭。以佢33歲嘅年紀，喺主打壓迫體系嘅利物浦，未來上陣時間肯定會愈來愈少。而沙特聯今年嘅冒起，正正為呢種仲有力踢波，但生涯開始步入黃昏嘅球星，提供一條新嘅出路，繼續有波踢之餘，仲可以領到同歐洲差天同地嘅人工，吸引力的確唔細。而軒達臣就話，自己喺沙特聯賽效力，身體狀態並冇跌watt。
只可以話，軒達臣自己選擇呢條路，一定預咗會比球迷敵視。但以佢喺英格蘭隊內嘅地位同角色，參戰大型國際賽依然有價值在所，前提係呢一季喺沙特聯能唔能夠好似佢所講咁，保持身體質素同競技狀態。目前尚未確定出年歐國盃嘅陣容名單，係以往常規嘅23人，定位好似舊年世界盃咁，因為COVID-19影響而擴展到26人。但無論如何，軒達臣到時又有狀態的話，幾乎肯定修夫基會召佢出戰。
2023年係世界球壇歷史嘅重要一年，皆因沙特阿拉伯聯賽異軍突起，以金元攻勢打亂以往轉會市場嘅運作。年初以C朗拿度為首，夏天唔少球員都被高薪挖角，唔少更係處於當打之年嘅頂級球星，33歲嘅軒達臣正正係其中一個具代表性嘅人物。作為利物浦隊長，軒達臣完成咗歐聯、英超冠軍嘅成就。場外，佢對LGBT+族群長久以來嘅支持，係佢受歡迎嘅原因之一。但而家就去一個打壓性小眾嘅國家賺錢，出戰同歐洲相差甚遠嘅足球聯賽，價值觀嘅衝擊，以及競技水平嘅大跌，令佢呢趟轉會飽受批評。
「如果球迷因為我踢波嘅地方而噓我，咁我都冇咩所謂。而家球員好多去沙特，每個人意見唔同好正常。」作為沙特聯球星之一，軒達臣言談間已經趨向保守，更表示支持沙特阿拉伯主辦2034年世界盃。今年九月喺《The Athletic》嘅採訪就解釋，自己唔係為咗錢，價值觀都冇變，但要「尊重」沙特嘅宗教同文化。
呢個解釋當然好難服眾，但又唔係個個都有勇氣將「挖金」二字講出口。 「我已經講過理由係乜，啲人信唔信係佢哋嘅事。但我喺英格蘭國家隊付出一切努力，呢點一定唔會變。」軒達臣話自己唔係政客，淨係想盡自己球員嘅本份：踢波、贏波。
撇除佢喺價值觀上面嘅矛盾，純以以競技角度嚟睇，近兩年喺利物浦，軒達臣已經有老化嘅跡象，球場覆蓋面減少之餘，上陣時間亦有銳減，仲要面對艾利亞治、鍾斯等等師弟嘅直接競爭。以佢33歲嘅年紀，喺主打壓迫體系嘅利物浦，未來上陣時間肯定會愈來愈少。而沙特聯今年嘅冒起，正正為呢種仲有力踢波，但生涯開始步入黃昏嘅球星，提供一條新嘅出路，繼續有波踢之餘，仲可以領到同歐洲差天同地嘅人工，吸引力的確唔細。而軒達臣就話，自己喺沙特聯賽效力，身體狀態並冇跌watt。
只可以話，軒達臣自己選擇呢條路，一定預咗會比球迷敵視。但以佢喺英格蘭隊內嘅地位同角色，參戰大型國際賽依然有價值在所，前提係呢一季喺沙特聯能唔能夠好似佢所講咁，保持身體質素同競技狀態。目前尚未確定出年歐國盃嘅陣容名單，係以往常規嘅23人，定位好似舊年世界盃咁，因為COVID-19影響而擴展到26人。但無論如何，軒達臣到時又有狀態的話，幾乎肯定修夫基會召佢出戰。
請按此登錄後留言。未成為會員? 立即註冊