縱然今季英超只入1球 捷西斯無疑是阿仙奴前線之關鍵 精選

喺英超爭冠球隊做前線鐵膽主力，作為九號正前鋒，加比爾捷西斯（Gabriel Jesus）嘅入球數字唔算標青。

捷西斯上季英超只入咗11球，奧迪加特、馬天尼利等等其餘幾個前線隊友各入15球，沙卡都有14球，睇數字做仲多過打中鋒嘅捷西斯。今季英超，捷西斯開季兩場因為膝傷而缺陣，第三場都復出只上陣1分鐘，第四場後備對曼聯射入1球。而對上四場英超，捷西斯重返正選席位，但一個入球助攻都冇。如果將數據除開90分鐘，會發現今季捷西斯平均入球數字（0.58），仲稍稍領先上季（0.42）。

但對而家呢支講求流動性嘅阿仙奴嚟講，冇咗加比爾捷西斯，前線有如自斷一臂。