相隔幾個月再打正選守得零封，麥佳亞真的回來了？ 精選

曼聯隊長麥佳亞季初被貶，此後都係以華拉尼搭馬天尼斯出任正選中堅。而家華拉尼確定會傷到世界盃，意味隊長麥佳亞會重出江湖，守住曼聯後防線。

淨係聽到最後呢句，相信好多曼迷已經心驚膽戰。但佢喺「復出」後第一場比賽，就幫曼聯成功守住大門不失。週日英超主場對韋斯咸嘅比賽，麥佳亞再度搭配馬天尼斯出任正任中堅，成功守住大門不失，藉拉舒褔特嘅入波，完場贏韋斯咸1-0。