爭做簡尼後備！艾雲東尼誓入EURO大軍，同屈堅斯競爭 精選

奉召參與英格蘭國際賽程嘅隊長哈利簡尼（Harry Kane），因為喺之前德甲比賽受傷，需要暫離大軍治療。今輪國際賽兩場友誼賽，就係對英軍後備中鋒嘅試驗。效力阿士東維拉嘅屈堅斯（Ollie Watkins），喺第一場比賽對巴西踢足90分鐘，但著起國家隊戰袍嘅佢表現依舊乏善足陳。領隊修夫基（Gareth Southgate）已經表明，另一位選手艾雲東尼（Ivan Toney）會喺對比利時嘅比賽出戰，且看呢位效力賓褔特嘅射手，喺溫布萊主場show到幾多quali。