尼昆古開齋嘅背後：車路士進攻死結尚待解決 精選

車路士新援尼昆古（Christopher Nkunku）養傷多時，至12月中回歸一隊後備席，到平安夜對狼隊終於地標上陣，喺比賽末段攻入開齋一球，本應係可喜可賀嘅事。但呢一球為時已晚，球隊都係以1-2不敵狼隊，下一場更加要靠佢領銜前線，帶領車路士低迷嘅前線表現，責任千斤重。
根據《Opta》嘅數據，車路士今季有57次黃金機會，但就miss咗36次，失機次數為全英超最多。其中一腳，就喺上一陣對狼隊第32分鐘，車仔防守角球後直搗黃龍，3打2兼單刀嘅攻勢，竟然喺隊中大佬史達寧（Raheem Sterling）腳下化為烏有。