呢碗飯大到啃唔落 - 懷斯倒戈韋斯咸八面玲瓏 精選

阿仙奴作客韋斯咸，呢場倫敦打吡，賽前焦點肯定係迪勤懷斯（Declan Rice）第一次倒戈表現如何。最後嘅結果，懷斯帶領新球會，6-0大炒一手養育自己嘅前東家。
半年前以超過一億鎊嘅身價賣走，懷斯今日倒戈一仗打得實在漂亮。阿仙奴喺兩個中堅包底之下，兩閘基維奧、賓韋治同懷斯緊密連繫，對抗韋斯咸緊縮中路嘅進攻。值得一提嘅係，韋斯咸上半場用賓莊遜（Ben Johnson）打左翼，呢位24歲球員係右閘出身，喺左路幾乎無法威脅阿仙奴嘅防線，令賓韋治慢慢開始放空右路，寧願踏前一格，同懷斯一齊對付禾特包斯，收緊呢位中場核心嘅傳球選擇。