又要長抖？捷維爾見專科醫生，車仔閘位再度告急 精選

屋漏兼逢連夜雨，係車路士今季一而再，再而三嘅問題，輸波、傷患潮不斷來臨，球迷今季真係無奈。左閘捷維爾（Ben Chilwell）好艱苦咁擺脫咗季初嘅大腿傷患，上星期對賓褔特一役又有新嘅傷患，今次輪到膝頭出事。領隊普捷天奴話，捷維爾要去睇專科，希望球迷耐心等待。

上星期週末，車路士作客同屬西倫敦嘅英超球隊賓褔特，末段憑中堅迪沙斯入球迫和2-2，嗰場波普捷天奴變陣三中堅應對，捷維爾以正選左翼衛身份踢足全場。但完場後發現有膝傷，一直冇參加訓練。