加普來投，利物浦往4-2-3-1的轉型再跨出一大步 精選

上季喺燕豪芬，加普超過八成上陣時間都係打4-2-3-1或4-3-3陣式嘅左翼，但佢實情左中右都踢得。由荷甲轉戰英超，利物浦會為加普安排咩定位？

基本上，利物浦嘅九號位由中鋒紐尼斯、「偽九號」費明奴分擔，大可以因應對手嘅特性嚟決定邊個打箭頭。而加上未完全退化嘅沙拿，喺右翼嘅正選位基本上好難憾動，剩低嘅左翼又有祖達、迪亞斯去爭，令加普轉會後面臨極大嘅位置競爭。嚟緊下半季，利物浦手執三大左翼。