一頂帽冚住三連敗 - 保雲為韋斯咸重燃希望 精選

韋斯咸主帥莫耶斯嘅下台壓力一直冇緩解過，踏入2024年後更加係一勝難求。點知二月最後一場比賽，槌仔幫喺主場重拾聲威，4-2擊敗同市球隊賓褔特。主力前鋒查洛保雲（Jarrod Bowen）連中三元，取得生涯第一個帽子戲法。
因為懷斯嘅離去，莫耶斯今季大舉變陣，其中一個特色係左翼放一個中路球員客串，並將新援禾特包斯推上十號位，進攻時overload對手嘅中場中路。出擊型左閘艾馬臣因此受惠，今季坐穩左閘正選，更令老將基士維長坐冷板。