熱刺歐戰對手拍片引戰 抽曬倫敦球隊水

球旗新聞 於 19/08/2021 發表 收藏文章
歐洲各大聯賽陸續展開,而三項歐洲盃賽亦進入最後附加賽的階段。早兩晚上演過歐聯附加賽首循環賽事,歐霸和新成立的歐洲協會聯賽附加賽亦在今晚上演,其中英超代表熱刺將會先作客葡萄牙,對上屆葡超第五的費利拿(Paços de Ferreira)。就在比賽前一星期,主隊先在社交媒體挑機,在網絡上先贏一仗。

loading

費利拿昨日在社交媒體上載片段,為今場歐協聯附加賽造勢,找來兩人飾演球迷。片段中,先播出突發新聞片段,報導指費利拿在上一圈擊敗北愛爾蘭的Larne FC後,將會對倫敦其中一支強隊,兩位球迷開始討論,抽盡各倫敦球隊水。

loading

球迷A:咩話?費利拿會對車路士?
球迷B:你係咪痴咗線呀?車路士踢歐聯嘛...
球迷A:咁即係阿仙奴啦...正!
球迷B:唔好成個白痴仔咁啦,佢哋冇份踢歐洲賽呀...
球迷A:咁我估,有番梘泡(Bubbles)嗰隊!(韋斯咸會歌為:I'm forever blowing bubbles)
球迷B:韋斯咸?唔係呀,佢哋會踢歐霸盃
球迷A:咁...富咸又降咗班,即係得返水晶宮啦...

此時,費利拿吉祥物出場,將熱刺會徽拋給球迷A,他再說道:哦,係呢班友,得啦我哋輕鬆過關!

loading

費利拿的Twitter帳戶,只有2.5萬人追蹤,不過此片段在上星期出街後爆紅,足足錄得超過100萬個點擊,在開賽前先贏一仗。不過,熱刺上仗成功在主場擊敗衛冕冠軍曼城,士氣高昂,可見隊長哈利簡尼事件未有影響軍心,費利拿主場希望全身而退,恐怕絕非容易。

loading

留言


請按此登錄後留言。未成為會員? 立即註冊
    快捷鍵:←
    快捷鍵:→