「Son」爭議詐死 蘇B摩佬各自分享湊「仔」經

星期日晚英超焦點戰，曼聯在先失一球下，下半場連入三球反勝熱刺，全取三分。事實上，曼聯在失球前，亦曾經將皮球送入網內，不過麥湯文尼疑似打中孫興慜面部在先，其後他倒地不起，最終VAR亦推翻這記入球，其後肇事的孫興慜更取得入球。曼聯雖然最後反勝，不過蘇斯克查似乎對孫興慜的行為深深不忿，兩位主帥隔空來個對罵。



蘇斯克查賽後向記者發牢騷，提到孫興慜被麥湯文尼打中的判決，蘇斯克查就以孫興慜的姓氏Son開個玩笑，諷刺老孫插水：「如果我個仔喺場上被人發中塊面，就要喺地下瞓三分鐘，仲要10個隊友圍住佢扶起身，我就唔會畀飽飯佢食。他冇呃到我哋，只係呃到球證。」


當然，摩連奴貴為「串王」，怎會容許被蘇帥言論上取勝呢，他事後亦很快回應蘇帥的諷刺，分享他的「湊仔經」：「關於呢番言論，我只可以話孫興慜好好彩，因為佢老竇比蘇斯克查好。我自己都係一個啊爸，作為啊爸，無論個仔做咗啲咩，你永遠都應該養自己嘅細路。就算我窮到要偷嘢，為咗養仔我都會去偷，我對蘇斯克查真係非常之失望。」


吃下這場敗仗後，熱刺在聯賽已經跌至第七位，他們今季亦已在聯賽落敗十場，是摩連奴執教生涯的最劣戰績。雖然摩連奴的足球已經不復當年勇，不過，似乎他的口水炮毫無退步，仍然相當老練。