法卡奧成魔,有冇用??

細路談足球 於 02/09/2014 發表 收藏文章
係轉會市場既最後一日,各位球迷焦點都放係哥倫比亞前鋒—法卡奧既身上,不停禁住F5制,希望黎一筆交易可以盡快完成。最後,法卡奧趕及係轉會窗前外借曼聯,當中曼聯擁有購買優先權同可以用4000萬左右既價錢將佢買斷。老實講,筆者並不希望法卡奧既加盟,因為曼聯本身既10號同9號位既人實在多都數吾灑,不過,宜家佢都已經加盟左曼聯,唯有睇下雲高爾點樣係冇四線作賽下將雲佩斯,朗尼,法卡奧,馬達,迪馬利亞一班世界級攻擊球員放入自己既3-5-2體系入面。
法卡奧雖然只有一米七七,不過,佢係一個全能既中鋒,除了可以自己搵機會入波之外,佢亦能夠為隊友創造空間同配合。法卡奧既身型有D似衝撞型的中鋒,不過,佢仲有好強既制空力同搶點能力,亦有細膩既腳法,十分合適雲高爾戰術多變既要求,可以係任何時候改變戰術同陣式。相信係佢租借去曼聯既一季,佢將會好大機會正選上陣。

另外,法卡奧係總共係職業生涯上陣292場(23200分鐘)總共斬獲191個入球同34個助攻,平均103分鐘入一球或助攻,比隊中射手朗尼同雲佩斯高,可以見到佢既入球效率絕對係世界級。加上,轉會窗關閉前,曼聯失去左小豆同韋碧黑兩位前鋒,同理雲高爾係般尼賽後講過雲佩斯因為缺乏狀態,所以曼聯不得不係轉會窗之前簽入一個具有相當實力的前鋒。再者,好多人認為曼聯係得到法卡奧之後,曼聯既後防都係依然'性感',黎一個講法,筆者都好同意,但係筆者認為只要雲高爾可以係未來幾個月入面,令後防球員完全熟習三中堅既話,筆者認為問題自己會迎刃而解,另外,筆者認為曼聯的中場不論係配置,人手,默契上都一定要配合得好好,咁樣曼聯吾但止可以為曼聯題世界級鋒線提供大量供應,仲可以減少被對方反擊的機會同對防線的威脅,失球的數量亦會減少,仲吾會出現上季利物浦既情況,依靠前線入波去補返後面失波既場面。
最後,帶比大家法卡奧既精華片段
http://www.youtube.com/watch?v=xCmk96_Pfpg仲有法卡奧精彩頭槌的片段
http://www.youtube.com/watch?v=VMcfu2CezDs
如果大家在睇完這篇立章後覺得ok的話,不彷like筆者的FB專頁https://www.facebook.com/cildtalkfootball
標籤: 法卡奧  曼聯  

留言


請按此登錄後留言。未成為會員? 立即註冊
    快捷鍵:←
    快捷鍵:→