[曼聯]從雲高爾挑選的美國之行25人大名單,介紹陌生的球員及淺談雲高爾在曼聯未來的方針

細路談足球 於 20/07/2014 發表 收藏文章
在本週四,剛剛上任的曼聯新領隊—雲高爾就在季前的美國之行正式公佈左大軍名單。
在大軍的名單入面,看到曼聯的絕對主力—馬達、朗尼、迪基亞等等。亦有球迷會問,點解冇雲佩斯、小豆、贊奴沙、費蘭尼係世界盃入左淘汰賽,因為佢地仲放緊大假。只不過,係名單入面,可以見到有有D陌生的面孔,以下落黎,筆者會帶大家睇下佢地的小小資料,等大家都認識一下佢地。

門將:迪基亞、連迪加特、賓艾莫斯、(莊士東)
後衛:拉菲爾、伊雲斯、史摩寧、菲爾鍾斯、梳爾、(Blackett)、(米高堅尼)、(Reece James)
中場:靴里拉、卡華利、費查、楊格、韋費特沙夏、香川真司、馬達、華倫西亞、蘭尼、連加特
前鋒:韋碧克、朗尼、(威廉堅尼)
以上有括號既係筆者會介紹既球員


1.Sam Johnstone(莊士東)
係名單入面,佢係應該屬於第四位門將,好可能不能為曼聯上陣。佢好可能係下季會再被外借...
現年21歲既Sam Johnstone宜家係曼聯既一隊成員,身穿著50號球衣,不過仲係外借既階段。
係上一季,佢被外借到英冠球會—Yeovil。Yeovil和Doncaster係英冠既排名包尾,Johnstone既表現不錯,上陣19次,失球28個,5次完封對手,平均每場失1.47球,相信他只要再多加鍛鍊站位撲救等,可能會成為曼聯既後備門將

2.Blackett
現年20歲,作為曼聯U21題成員,佢多數出現係左閘既位置,應該係雲高爾係左閘既後備人選
係上一季,佢曾經外借至英冠伯明瀚,亦係曼聯既U21英超上陣。總共上陣23場,收獲左四個既助攻,佢亦可以客串中堅和左翼,作為一位年青球員,表現可圈可點,下一季應該會留係U21繼續作賽。希望佢可以係美國之行有上陣機會啦。
3.Michael Keane(米高堅尼)
係筆者要介紹既球員入面,佢係筆者比較熟悉既。21歲既米高堅尼,司職中堅既佢可以客串右閘,係上季外借時,上陣左20場,令人意外既係,佢可以取得3個入球。係U21英超中亦能夠取得2個入球。整體表現中上,相信過多幾季,佢能夠成為曼聯正選。
4.Reece James
Reece James係前季才為曼聯上陣,上季因為傷患既影響,上陣既機會大大減少,全季只上陣22場。佢既可以勝任左閘亦能勝任左翼的位置,雖然未能取得入球和助攻,但係曾經擔任曼聯既隊長,可見佢係曼聯U21陣中既重要性
5.William Keane(威廉堅尼)
佢作為出征美國既三位前鋒之一,相信佢應該會獲得小量的上陣機會。回首佢上季既表現,只上陣8場,無一個入球,他雖然有得不錯既傳球成功率,但係佢既入球只算十分一般,希望佢繼續努力吧...

淺談雲高爾在曼聯未來的方針
筆者係見到美國之行既大戰名單入面,可以見到不少既年青球員,筆者對此都算係預料之內,雲高爾既培育年青球員既重視亦可以透過大軍名單入面睇到,筆者好期待雲高登班底下培育出黎既年青球員,希望可以帶俾曼聯些小新血,減少浪費金錢買太多人。
補充:其實在名單入面見到垃圾羊同見吾到JAMES WILSON&TOM LAWRENCE有少少意外
最後希望雲高爾可以帶領曼聯係季前熱身賽有好成績啦
(所有文章皆為原創,如喜歡,請Like我們fb專頁https://www.facebook.com/cildtalkfootball
標籤: 曼聯  美國之行  

留言


請按此登錄後留言。未成為會員? 立即註冊
    快捷鍵:←
    快捷鍵:→