新魔兵表現點評(3)—靴里拉 精選

係靴里拉加盟曼聯之前，筆者對佢既認識並唔深，大概只知道佢係一個係畢爾包既中場球員。再睇返佢係畢爾包既精華片段，筆者覺得佢有少少似史高斯(唔知各位讀者同唔同意)。唔少人都認為靴里拉可以為曼聯既中場線提供曼聯中場一直都缺少既野，致命既直線既傳球視野廣闊既球員，靴里拉正正就可以做到黎樣野。
圖:靴里拉係曼聯會著21號波衫(PS:如果印佢個名既話，真係要洗唔少錢)

上圖係靴里拉係曼聯半季既數據，靴里拉今季係曼聯既位置界乎係正選同後備之間，正選同後備各6次，攻入2球，3次助攻，表現對於一個新兵黎講已經算唔錯嫁啦。再睇一睇靴里拉係傳球方面既表現，佢既傳球成功率為87%，場均41次傳球，場均1.1次keypass，1.8次長傳，錄得3次助攻。總結一下靴里拉既傳球表現，靴里拉既傳球能力都幾強，敢於送出長傳，亦有送出keypass既機會蹤使上場既時間唔多，但都錄得3次助攻，證明佢頗有效率。
再睇下靴里拉係防守方面既數據，筆者睇左都有少少驚訝。場均1.8次搶截，1.3次攔截等等既防守數據對於一名中場球員黎講都算係唔錯。
whoscored.com為靴里拉既打法分析，可以得出靴里拉係一位十分勤力既球員。係進攻方面，係送出關鍵傳球短長傳，處理罰球方面都較強；防守方面，佢係防守站立同分配都好好，歸納出靴里拉既攻同守兩端都好平衡，係雲高爾強調陣式平衡既概念下，相信靴里拉會係佢手下做到舉足輕重既作用。另外，靴里拉都幾喜歡控球在腳，同時亦鍾意持球突破。總結上文，靴里拉係曼聯既表現唔錯，有頗穩定既表現，亦係攻守兩端都有頗亮眼既表現，相信佢日後會陸續出現係曼聯既正選陣容入面。如果以十分為滿分，筆者會給予佢7.5分，靴里拉不論係攻擊既時間為球隊提供輸送，係防守方面亦十分勤力。最後，筆者認為靴里拉係曼聯擔任左一個連接點，係曼聯一直都缺少既類型球員。睇黎雲高爾羅致佢，唔多唔少都證明左佢既眼光。希望靴里拉可以早日適應英超既風格，同曼聯既打法，成為曼聯既主力球員。
https://www.facebook.com/cildtalkfootball如果大家在睇完這篇立章後覺得ok的話，不妨like筆者的FB專頁，筆者會為大家創新既足球文章同消息，筆者需要你既支持