原創文章，歡迎轉載並標明出處
Facebook專頁: https://www.facebook.com/Chris的角球生物-111089946977797/
呢排未有波睇，咁就試下講下筆者最近係足球遊戲嘅發現。今次嘅主角係科索沃嘅德甲球員米洛特·拉舒卡(Milot Rashica)。佢只有23歲，但係遊戲入面嘅總評去到86(精選球員)，即使同實際能力可能有出入，但過往就有唔少球探係足球遊戲發掘潛力新星嘅例子。筆者就分析下佢嘅背景，能力同埋發展潛力。
圖片來源：https://literal.media/Administration/Custom/Resources/Images/HeaderImages/0bb447fa-4ace-40be-9e46-7b75aa1a521a.jpg
可能有d讀者唔係好清楚科索沃係咩地方，所以筆者先講下少少國家背景。科索沃共和國(Republic of Kosovo)係2008年2月17日獨立，算係好年輕嘅國家，位於東南歐嘅巴爾幹半島。14世紀中葉開始，鄂圖曼帝國逐漸將科索沃變成穆斯林地區，同時境內阿爾巴尼亞族人口增多。係1912年第一次巴爾幹戰爭結束之後，科索沃被納入塞爾維亞。二次世界大戰期間，大量塞爾維亞族人被阿族人趕出境。戰後科索沃歸入南斯拉夫，成為塞爾維亞嘅自治區，不過科索沃嘅民族政策令當地塞族人覺得備受歧視，埋下日後對立嘅種子。1989年塞爾維亞修憲，大幅度縮細科索沃嘅自治權利，引起阿族人強烈抗議，並自行舉行選舉，自行開辦醫院、學校同廣播電台等重要基建設施，伴隨住嘅就係南斯拉夫嘅瓦解。波斯尼亞戰爭過後，塞爾維亞開始動員塞族人移居科索沃，引起阿族人反感(呢種透過移居策略，想剝奪自治權嘅方法咁似曾相識嘅)。
圖片來源：https://www.ednh.news/wp-content/uploads/2019/06/001_ZS3YY_JPEG.jpg
1998年，南斯拉夫軍隊協助塞爾維亞進行種族清洗政策，促使北約轟炸塞爾維亞，令二十萬名阿族難民可以重返家園。戰後，科索沃先由北約管轄，後來由聯合國接管。2008年，時任科索沃總理哈希姆·薩奇召開電視直播嘅會議，宣佈由議員投票通過科索沃獨立，宣讀獨立宣言，並係同日決定國旗同國徽。老實講，睇番佢歷史，知道佢一直以嚟比唔同大國統治，因為宗教、種族原因被打壓，就覺得佢嘅獨立真係來得不易，充滿血涙。面對重重困難，筆者係度希望香港同科索沃都可以自強不息。
至於科索沃嘅足球發展史，就由佢地係1946年成立足球聯盟講起。當時佢地嘅聯賽係屬於南斯拉夫聯賽嘅一部份，係1991年成為獨立聯賽(Independent League)。重大嘅突破當然係2016年5月13日，科索沃正式成為FIFA嘅正式會員，141票支持，23票反對。
講番今次嘅主角米洛特·拉舒卡，出生於科索沃北部城鎮Vushtrria，今年23歲，目前係雲達不萊梅嘅進攻中場同埋翼鋒。14歲嘅時候佢係國內球會KF Vushtrria青年隊開始踢波，16歲時就升上一線隊，兩年間為球隊上陣21場入9球。2015年2月，佢以30萬歐元轉投荷甲勁旅維特斯(Vitesse)，首場正式賽事就係歐霸盃外圍賽登場，2017年4月仲協助球隊贏得隊史首座荷蘭盃。100場入15球24次助攻嘅亮眼成績，令佢得到雲達不萊梅嘅青睞，係2018年1月31日以700萬歐元轉會費轉投德甲勁旅，合約直到2022年，係2月3日佢就踢首場德甲賽事。目前佢已經為雲達不萊梅上陣64場，有23個入球同11次助攻。佢嘅身價同時升得好快，一年之內就由450萬歐元急升到3500萬歐元，而家已經係全隊身價最高嘅球員。贏得維特斯首座荷蘭盃後，身披科索沃同阿爾巴尼亞國旗慶祝
圖片來源：https://bit.ly/2UkNsqi
係國際賽方面，佢喺2012年開始效力阿爾巴尼亞嘅青年隊，2016年更加為阿爾巴尼亞成人隊踢過兩場比賽。當科索沃正式成為歐洲足協同國際足協嘅會員之後，佢就為母國科索沃效力，2018年10月14日對戰法羅群島時攻入國家隊首球。佢目前踢左24場比賽入4球，相信未來幾年都會係國家隊嘅主力球員。
圖片來源：https://editorial.uefa.com/resources/0255-0d90d737fb42-8f496fdfd5cb-1000/milot_rashica_kosovo_.jpeg
據德國《圖片報》係今年2月嘅報導，利物浦派出球探，密切考察佢嘅表現。咁到底佢有咩特質或者潛力可以令高普都想招攬佢呢？
https://www.youtube.com/watch?v=qepKoOuyNGM影片來源：https://www.youtube.com/watch?v=qepKoOuyNGM
先睇下佢係維特斯效力時嘅片段。作為翼鋒，佢鍾意係邊路變向加速，傳球落點準，間中仲會用假動作過人。佢有係禁區邊調整射門腳嘅習慣，確保射門有威脅，可見佢當時已經算係心思熟慮嘅球員。轉投雲達不萊梅之後，佢嘅射門力度更加充足，背身拿球再加速嘅能力有所提升，同埋射門角度更加刁鑽。順帶一提，佢嘅遠射能力唔錯，亦都會內切射門，可以作為球隊嘅反擊利器。今季德甲佢暫時場均有1.6次嘅關鍵傳球，場均2.3次射門，活動範圍涵蓋成條左路同埋中前場，以佢嘅年紀嚟講合格有餘。https://www.youtube.com/watch?v=jLnPf6-Of04影片來源：https://www.youtube.com/watch?v=jLnPf6-Of04
2019年12月，雲達不萊梅特意係YouTube上載影片，從唔同鏡頭講述拉舒卡對拜仁嘅入球有幾咁精彩。當時佢係中圈接到球，面對中路大面積空檔，佢唔想比中衛截到波，於是冒險加速轉向，令中衛措手不及到跌低，等門將出迎後調低身體重心，射遠柱死角破網。係呢球精彩入球可以睇到拉舒卡嘅智慧同埋身體質素，加上睇到球迷興奮嘅反應，就知佢地好期待呢位新秀可以幫球會贏更多比賽。
而加雲達不萊梅位處德甲第17名，淨勝球差去到-28，係全德甲最差，睇嚟今季護級難度都幾大。咁嘅情況下，拉舒卡可能真係有機會離隊他投。
肺炎肆虐，大家除左關心疫情，亦好可能留意多左轉會傳聞。希望無論拉舒卡會唔會真係比高普招攬，佢都可以有錦繡嘅前程，亦都希望佢可以帶領科索沃足球進步到更高嘅層次，為國爭光。
Facebook專頁: https://www.facebook.com/Chris的角球生物-111089946977797/
呢排未有波睇，咁就試下講下筆者最近係足球遊戲嘅發現。今次嘅主角係科索沃嘅德甲球員米洛特·拉舒卡(Milot Rashica)。佢只有23歲，但係遊戲入面嘅總評去到86(精選球員)，即使同實際能力可能有出入，但過往就有唔少球探係足球遊戲發掘潛力新星嘅例子。筆者就分析下佢嘅背景，能力同埋發展潛力。
圖片來源：https://literal.media/Administration/Custom/Resources/Images/HeaderImages/0bb447fa-4ace-40be-9e46-7b75aa1a521a.jpg
可能有d讀者唔係好清楚科索沃係咩地方，所以筆者先講下少少國家背景。科索沃共和國(Republic of Kosovo)係2008年2月17日獨立，算係好年輕嘅國家，位於東南歐嘅巴爾幹半島。14世紀中葉開始，鄂圖曼帝國逐漸將科索沃變成穆斯林地區，同時境內阿爾巴尼亞族人口增多。係1912年第一次巴爾幹戰爭結束之後，科索沃被納入塞爾維亞。二次世界大戰期間，大量塞爾維亞族人被阿族人趕出境。戰後科索沃歸入南斯拉夫，成為塞爾維亞嘅自治區，不過科索沃嘅民族政策令當地塞族人覺得備受歧視，埋下日後對立嘅種子。1989年塞爾維亞修憲，大幅度縮細科索沃嘅自治權利，引起阿族人強烈抗議，並自行舉行選舉，自行開辦醫院、學校同廣播電台等重要基建設施，伴隨住嘅就係南斯拉夫嘅瓦解。波斯尼亞戰爭過後，塞爾維亞開始動員塞族人移居科索沃，引起阿族人反感(呢種透過移居策略，想剝奪自治權嘅方法咁似曾相識嘅)。
圖片來源：https://www.ednh.news/wp-content/uploads/2019/06/001_ZS3YY_JPEG.jpg
1998年，南斯拉夫軍隊協助塞爾維亞進行種族清洗政策，促使北約轟炸塞爾維亞，令二十萬名阿族難民可以重返家園。戰後，科索沃先由北約管轄，後來由聯合國接管。2008年，時任科索沃總理哈希姆·薩奇召開電視直播嘅會議，宣佈由議員投票通過科索沃獨立，宣讀獨立宣言，並係同日決定國旗同國徽。老實講，睇番佢歷史，知道佢一直以嚟比唔同大國統治，因為宗教、種族原因被打壓，就覺得佢嘅獨立真係來得不易，充滿血涙。面對重重困難，筆者係度希望香港同科索沃都可以自強不息。
至於科索沃嘅足球發展史，就由佢地係1946年成立足球聯盟講起。當時佢地嘅聯賽係屬於南斯拉夫聯賽嘅一部份，係1991年成為獨立聯賽(Independent League)。重大嘅突破當然係2016年5月13日，科索沃正式成為FIFA嘅正式會員，141票支持，23票反對。
講番今次嘅主角米洛特·拉舒卡，出生於科索沃北部城鎮Vushtrria，今年23歲，目前係雲達不萊梅嘅進攻中場同埋翼鋒。14歲嘅時候佢係國內球會KF Vushtrria青年隊開始踢波，16歲時就升上一線隊，兩年間為球隊上陣21場入9球。2015年2月，佢以30萬歐元轉投荷甲勁旅維特斯(Vitesse)，首場正式賽事就係歐霸盃外圍賽登場，2017年4月仲協助球隊贏得隊史首座荷蘭盃。100場入15球24次助攻嘅亮眼成績，令佢得到雲達不萊梅嘅青睞，係2018年1月31日以700萬歐元轉會費轉投德甲勁旅，合約直到2022年，係2月3日佢就踢首場德甲賽事。目前佢已經為雲達不萊梅上陣64場，有23個入球同11次助攻。佢嘅身價同時升得好快，一年之內就由450萬歐元急升到3500萬歐元，而家已經係全隊身價最高嘅球員。贏得維特斯首座荷蘭盃後，身披科索沃同阿爾巴尼亞國旗慶祝
圖片來源：https://bit.ly/2UkNsqi
係國際賽方面，佢喺2012年開始效力阿爾巴尼亞嘅青年隊，2016年更加為阿爾巴尼亞成人隊踢過兩場比賽。當科索沃正式成為歐洲足協同國際足協嘅會員之後，佢就為母國科索沃效力，2018年10月14日對戰法羅群島時攻入國家隊首球。佢目前踢左24場比賽入4球，相信未來幾年都會係國家隊嘅主力球員。
圖片來源：https://editorial.uefa.com/resources/0255-0d90d737fb42-8f496fdfd5cb-1000/milot_rashica_kosovo_.jpeg
據德國《圖片報》係今年2月嘅報導，利物浦派出球探，密切考察佢嘅表現。咁到底佢有咩特質或者潛力可以令高普都想招攬佢呢？
https://www.youtube.com/watch?v=qepKoOuyNGM影片來源：https://www.youtube.com/watch?v=qepKoOuyNGM
先睇下佢係維特斯效力時嘅片段。作為翼鋒，佢鍾意係邊路變向加速，傳球落點準，間中仲會用假動作過人。佢有係禁區邊調整射門腳嘅習慣，確保射門有威脅，可見佢當時已經算係心思熟慮嘅球員。轉投雲達不萊梅之後，佢嘅射門力度更加充足，背身拿球再加速嘅能力有所提升，同埋射門角度更加刁鑽。順帶一提，佢嘅遠射能力唔錯，亦都會內切射門，可以作為球隊嘅反擊利器。今季德甲佢暫時場均有1.6次嘅關鍵傳球，場均2.3次射門，活動範圍涵蓋成條左路同埋中前場，以佢嘅年紀嚟講合格有餘。https://www.youtube.com/watch?v=jLnPf6-Of04影片來源：https://www.youtube.com/watch?v=jLnPf6-Of04
2019年12月，雲達不萊梅特意係YouTube上載影片，從唔同鏡頭講述拉舒卡對拜仁嘅入球有幾咁精彩。當時佢係中圈接到球，面對中路大面積空檔，佢唔想比中衛截到波，於是冒險加速轉向，令中衛措手不及到跌低，等門將出迎後調低身體重心，射遠柱死角破網。係呢球精彩入球可以睇到拉舒卡嘅智慧同埋身體質素，加上睇到球迷興奮嘅反應，就知佢地好期待呢位新秀可以幫球會贏更多比賽。
而加雲達不萊梅位處德甲第17名，淨勝球差去到-28，係全德甲最差，睇嚟今季護級難度都幾大。咁嘅情況下，拉舒卡可能真係有機會離隊他投。
肺炎肆虐，大家除左關心疫情，亦好可能留意多左轉會傳聞。希望無論拉舒卡會唔會真係比高普招攬，佢都可以有錦繡嘅前程，亦都希望佢可以帶領科索沃足球進步到更高嘅層次，為國爭光。
請按此登錄後留言。未成為會員? 立即註冊