《車路士能否擊退愛華頓？中場成為關鍵》

原創文章，歡迎轉載並標明出處

Facebook專頁: https://www.facebook.com/Chris的角球生物-111089946977797/

香港時間3月8日晚上10時正，排名第4嘅車路士將會係主場迎戰排名第11嘅愛華頓。本賽季首回合，車路士輸3比1。

上場比賽係足總杯贏咗利物浦2比0之後，車路士士氣大振，不過球隊依然要面對傷兵滿營嘅問題。前場傷兵有普列錫(Pulisic)、阿伯拉罕(Abraham)、奧杜爾(Hudson-Odoi)，中場簡迪(Kante)繼續養傷。韋利安(Willian)同高華錫(Kovacic)狀態成疑。佐真奴(Jorginho)對般尼茅夫嘅時候魯莽攞牌，令佢要缺席未來兩場英超。
中場可唔可以維持防守厚度，同埋提供足夠支援比前線係贏波關鍵。先講下上場技驚四座，令人眼前一亮嘅18歲新仔基爾摩亞(Gilmour)。就算對手主動逼搶，佢都唔怯場，控球穩陣之餘具備傳球意識，比長傳落點都唔錯，可以幫助球隊穩住球權，伺機反擊。
圖片來源: https://ichef.bbci.co.uk/onesport/cps/976/cpsprodpb/6E66/production/_111126282_gilmour.jpg

美臣蒙特(Mason Mount)係今個賽季比較慣常係左路發動攻勢，或者可以暫時頂替韋利安嘅角色。佢嘅傳球準確率暫時係85%，比起利物浦嘅軒達臣(84%)同曼城嘅迪布尼(82%)高。係林伯特高壓進攻嘅體系，佢擅長係對手未控好球嘅時侯主動迫搶，製造黃金射門機會。佢嘅表現將會影響車路士由守轉攻嘅效率。
https://www.youtube.com/watch?v=uxcu_R-ybYY影片來源: https://youtu.be/uxcu_R-ybYY

至於巴克里(Barkley)，上場對利物浦有精彩入球可以令佢嘅自信心增強唔少。佢嘅攔截能力可以鞏固中場防守，過人技術同射門膽識可以為球隊打破僵局。佢並冇係首回合對愛華頓嘅比賽上場，希望佢今場可以頂替佐真奴嘅角色，令前場放心進攻。

為左加強中場厚度，林伯特可能會重新擺出3後衛陣型。捱過傷兵期之後，經過磨合，相信車路士嘅實力可以更上一層樓。祝車路士好運！