一場比賽都未幫曼城踢過嘅澳洲翼鋒—Daniel Arzani

Chris的角球生物 於 28/03/2020 發表 收藏文章
原創文章,歡迎轉載並標明出處

Facebook專頁: https://www.facebook.com/Chris的角球生物-111089946977797/

除咗巴塞新簽入嘅前鋒巴夫韋迪,面臨球隊需要球員大幅減薪嘅情況,可能只係踢咗三場比賽就被人賣走,有另一位被五大聯賽球隊簽入嘅球員好可能會遭遇更慘嘅情況,佢就係被曼城簽入嘅澳洲球員Daniel Arzani。
圖片來源:https://breakingthelines.com/wp-content/uploads/2018/06/1_630_1120_1_70__News_Daniel_Arzani_Sam_Anfield_Photography.jpg
佢係2018年世界盃3場小組賽都有後備登場
圖片來源:https://www.abc.net.au/news/image/9883836-3x2-700x467.jpg

首先,有咩咁特別可以令曼城簽佢?佢喺2018年世界盃有個紀錄,就係32支球隊入面最年輕嘅選手,今年只係21歲。佢出生係伊朗,不過七歲嗰陣就搬咗去澳洲住,15-16球季效力澳職球會悉尼FC嘅青年隊,之後幫墨爾本城贏得16-17球季澳職全國青年聯賽。佢首次喺澳職登場果陣已經交出助攻幫球隊反勝,而且踢左4場比賽,佢嘅盤球過人次數已經達到31次,冠絕全隊,出色嘅表現好快幫佢贏得一月份澳職最佳球員獎。同年4月,佢更加成為澳職最多助攻次數嘅U23新秀,並贏得澳職年度最佳青年球員獎(Yong Footballer of the Year),而之前贏過呢個獎嘅球員好多都成功去到歐洲落班,例子就有白禮頓主力門將Mathew Ryan。
圖片來源:https://imageresizer.static9.net.au/NHYYLCqtKbHz8ZSpD0TY0_tajxg=/0x0/https%3A%2F%2Fprod.static9.net.au%2F_%2Fmedia%2F2018%2F08%2F18%2F11%2F19%2Farzanicelticc_env.jpg

曼城決定簽下呢位澳職新秀,除左睇中佢嘅潛力,更有可能係因為墨爾本城同曼城都係城市足球集團(City Football Group)旗下嘅球會,加強合作關係同埋拓展曼城嘅澳洲市場。8月9日公布簽約消息嘅同時,曼城宣佈將Arzani外借兩年到蘇超球會些路迪(Celtic)。現任李斯特城教練羅渣士(Brendan Rogers)比左佢首次係成人隊亮相嘅機會,但好不幸佢係處子戰就出現前十字韌帶斷裂嘅重傷(torn ACL),直接令到佢缺席2019年亞洲杯同埋該季度餘下嘅蘇超賽事,明顯係對佢職業生涯嘅重大打擊。直到2019年9月中,佢先再度復出,係今年1月先重新參與一隊嘅賽事。

雖然未有官方宣佈,但澳洲足協嘅Instagram近日有帖文,睇到Arzani準備返回澳洲,好可能同些路迪講再見,歐洲之旅就咁畫上唔完美嘅句號。
影片來源:https://www.youtube.com/watch?v=1u34hTKeKeQ&t=241s

講完佢嘅經歷,再分析下佢有咩過人之處,同埋仲有冇機會向五大聯賽邁進。佢擅長高速運球同埋盤扭過人,無論踢翼鋒抑或進攻中場都可以交出精準嘅橫傳。睇精華片段除咗可以睇到佢成日「通人坑渠」,仲可以留意佢由中場一路帶波上前場嘅勇氣同決心,無懼多人包夾,證明佢係比較少有,好夠膽扭波同主動發起進攻嘅澳洲球員。澳洲國家隊陣容逐漸老化,佢絕對有能力為前場注入新活力。

喺度祝福Arzani早日搵返比賽狀態,時機成熟時再次挑戰五大聯賽嘅殿堂!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Jason514
    Jason514 於 28/03/2020 評論 NO. 1

    小小提點 巴夫韋迪停賽前已經上陣過三場

快捷鍵:←
快捷鍵:→