朗尼：唔洗踢歐洲賽係好事，車仔下季會係英超最大威脅

講真，見到今季咁樣收尾，邊個會唔失望？但有時足球就係咁，最黑暗嘅一季，反而可能係下一次反彈嘅起點。朗尼日前接受 BBC 訪問時就講得好直接，佢認為車路士下季會成為英超真正威脅，原因係我哋冇歐洲賽負擔，可以全力衝聯賽。

過去幾季我哋一路重建，一路換人，一路試陣，成隊波成日踢到未成形就又要應付下一場。依家冇歐戰，表面上似退步，但換個角度睇，反而畀咗我哋一個最難得嘅機會：專心、完整、一步一步咁重新建立一隊真正有競爭力嘅車路士。
朗尼在《The Wayne Rooney Show》提到：「我認為他們下個賽季將會是真正的威脅，」

「顯然，每週只踢一場比賽，再加上阿朗素的加入，我認為這對英超聯賽來說是令人振奮的，因為我認為他有潛力成為頂尖教練。」

「這給了他一段時間來熟悉球會，並傳達他的理念。所以我認為這對球會是有好處的。」

其他球隊下季會分心應付歐聯或者其他盃賽，但車路士可以集中火力應付英超，呢種賽程優勢有可能成為關鍵。 對於一支仲需要時間打磨默契、建立體系嘅年輕球隊嚟講，更多訓練時間，可能比多踢幾場歐洲賽更重要。
更值得車迷期待嘅，係新時代終於要開始。沙比阿朗素預計會喺 7 月正式接手，而朗尼亦表示佢相信阿朗素有能力成為一位非常出色嘅領隊。

「顯然，由於世界盃的緣故，今年所有頂級球會的教練們的季前備戰都將受到影響，」朗尼補充道。

「我認為這對阿朗素來說反而是個優勢，因為新賽季開始後，他將有時間傳達自己的理念。歐洲的各支球隊可能會稍微吃點苦頭。這可能意味著每週在訓練場上多出三天時間。」

而我哋作為車迷，要做嘅或者就係繼續等。等一隊真正屬於車路士嘅球隊成形，等史丹福橋再一次變成令對手驚嘅地方，等我哋重新喺英超抬起頭。下季未踢，但我相信，屬於車仔嘅反擊，可能真係快到了。
冇歐戰，唔係恥辱；對重建中嘅車仔嚟講，隨時係反擊英超最好嘅機會。朗尼睇到嘅，正正就係車迷而家最想相信嘅事。