從夏法斯的轉會，分析車路士重返爭冠行列的決心 精選

講多一次夏法斯。
好多權威記者，包括Matt Law, Fabrizio Romano, 親拜仁嘅Christian Falk都報導，球會想去車仔、林柏特好欣賞佢、成個球壇只有車仔有興趣同時負擔得起佢轉會費。而喺聯賽結束後，兩軍已著手談判轉會費，預計會係8000萬歐元，但視乎情況決定當中幾多現金、幾多個額外條款。
.
咁講完基本情況，講下個人睇法。
呢單轉會如果你問我，我覺得夏法斯加盟車仔只係時間問題。但亦講過好多次，經歷過羅賓奴事件，始終都唔敢講到100％。
.
有人提出，車仔中場塞車，唔應該買佢。
個人唔認同呢個講法。無疑夏法斯嘅加盟會限制咗部分年輕球員嘅上陣時間，但係，一間大球會要展現爭冠野心，就一定要有隊中良性競爭。更何況，眼前係一個即戰力和潛力都遠超同齡嘅超新星呢？可別忘記，車仔在這次轉會佔優，除了林柏特的組軍方針吸引外，更大的因素係其他球會受武肺影響而財力大減。如果車仔今次唔出手，怕且下個轉會窗就會面臨更大競爭。
.
另一個講法，係轉會費應該用喺其他地方。
事實上，買夏法斯，相比起買中堅／龍門／左閘，對車仔即戰力提升確係比較少。但要留意嘅係，車仔買完夏法斯，其實仲有大把錢補強其他位置。
做個最最最粗略嘅估算，華拿、薛耶治、高華錫共130m，其實未用完賣夏薩特同莫拉達嘅170m。仲未計其他球員包括柏沙歷、艾拿、卡拉斯等等有30m。意思係，車仔今季嘅收購，賬面上仲有動用阿巴莫域治提供嘅轉會預算。
.
又，仲有一班待出售的球員，包括巴舒亞伊、巴卡約高、艾馬臣等，其實都不乏買家（真禾特例外），樂觀估計，出售球員收回60-80m其實不過份；即使真的削價求售，保守估計40m也是收得回來的。即使收購夏法斯，車仔仍然能動用出售球員的金錢作其他位置的補強。.
結論是，財大氣粗地說，金錢足球就是爽。但可別忘記，今天的車路士，並不是03年那隊瘋狂買人的車路士，而是，車仔走向了自負盈虧的路，用出售球員的錢、用因轉會禁令而兩個轉會窗未有收購儲下的錢，來一個大爆發。
.
最後最後，作為球迷，球會願意大灑金錢收購球員，實在是一件值得高興的事。我總說，球隊的外借大軍有好的球員、也有明顯水準達不到球隊實力的球員，正如當年蘇馬外借至愛華頓、路菲斯切克外借至水晶宮，都表現出值得回歸爭取正選。但堅尼地、皮亞桑、美亞斯加等等，現實點說，就是實力見頂、善價而沽。
.
如果你問我，今季就是車仔給予所有年輕球員、外借回歸球員證明自己的最後機會。
因為來季開始，車仔將會大大加速，真的展現出野心要盡快重返爭冠行列，就算是基斯甸臣、就算是Kepa，都很難再有所謂「共同成長」、「給予時間和耐性接受他們犯錯」的頻繁出現；不是球隊就此不再重用年輕球員，而是，年輕球員必須交出更佳的表現去證明自己值得出場。年輕球員經歷一季，他們亦明白，在未來能否奠定在球隊的一席位，是必須靠自己更努力進步。
.
車迷們必須認清的事實是，沒錯，過去我們讓不少很好的年輕球員離開，但現時的車仔，是一支重視青訓、而且領隊很樂意給予年輕球員機會的車仔。
車迷們必須轉變的心態是，沒錯，青訓產品過去一年表現令人驚喜，但如果車仔要盡快返回爭標行列，你我都心知肚明，青訓是不夠的，球隊始終需要頂級的球員。
.
我相信，收購夏法斯對球隊的好處是不用質疑的，那正正是展現球隊野心、要重返奪冠行列的收購。
至於那些擔心車仔財政的，希望看過這篇文章後會令你安心：車仔今夏轉會操作不會就此停下來的。