英超煞科全攻略：歐聯、歐霸、護級形勢

簡單列出英超煞科有咩睇頭，同埋每隊球隊咩情況下先得到自己想要嘅結果。
.爭前四：
3隊爭2個歐聯席位。
焦點賽事：曼聯對李斯特城；車仔對狼隊
.
3. 曼聯（63分；得失球+28）：
1）只要對李斯特城不敗，就篤定前四
2）即使敗給李城，如果車仔輸波，亦憑較佳得失球排第四
3）如果贏今屆歐霸，將直接取得歐聯資格（如果排前四，英超參賽席位不變；如果排第五，英超五隊踢歐聯）
.
4. 車仔（63分；得失球+13）：
1）只要對狼隊不敗，就篤定前四2）即使敗給狼隊，如果曼聯贏李城，亦排第四
.
5. 李斯特城（62分；得失球+28）
1）只要擊敗曼聯，就篤定前四
2）如果車仔輸波，只要和曼聯就能憑較佳得失球排第四
.
.
爭歐霸：
2隊爭1個必然歐霸席位，但落敗一方也有機會踢來屆歐霸。
由於曼城贏得聯賽盃，代表今屆聯賽第五、六名皆能踢歐霸；足總盃決賽將在8月1日舉行，如果阿仙奴贏，將取得來屆歐霸資格，如果車仔贏，英超第七名亦能獲得歐霸資格。
焦點賽事：車仔對狼隊；水晶宮對熱刺
.
6. 狼隊（59分；得失球+13）1）只要擊敗車仔，就篤定第六
2）即使敗給車仔，如果熱刺輸波，亦排第六
3）即使被熱刺超越，亦有機會以第七名身份踢來屆歐霸（要足總盃車仔贏）
4）如果贏今屆歐霸，將直接取得歐聯資格（英超五隊踢歐聯、兩隊踢歐霸）
.
7. 熱刺（58分；得失球+14）
1）即使擊敗水晶宮，也必須要狼隊失分才排第六
2）如果和水晶宮、狼隊輸，憑較佳得失球排第六
3）即使排第七，也有機會踢來屆歐霸（要足總盃車仔贏）
.
.
護級：
3隊只能活一隊，亦將大有可能在得失球差之中定勝負焦點賽事：韋斯咸對維拉、阿仙奴對屈福特、愛華頓對般尼茅夫
.
17. 維拉（34分；得球40；得失球-26）
1）贏韋斯咸，同時屈福特未能贏波／屈福特贏波但淨勝少過或等於自己的贏波球差，篤定護級
2）和韋斯咸，同時屈福特未能擊敗阿仙奴，亦護級成功
3）輸韋斯咸，同時屈福特輸俾阿仙奴（淨輸少過或等於自己）兼般尼茅夫未能贏波，才能護級
.
18. 屈福特（34分；得球34；得失球-27）
1）贏阿仙奴，同時維拉未能贏波／維拉贏波但淨勝少過自己的贏波球差2球，篤定護級
2）和阿仙奴，同時維拉輸波，亦護級成功
3）輸阿仙奴，同時維拉輸俾韋斯咸（淨輸多過自己2球）兼般尼茅夫未能贏波，才能護級.
19. 般尼茅夫（31分；得球37；得失球-26）
1）贏愛華頓，同時維拉、屈福特雙雙輸波，就憑較佳得失球差護級成功