古古利拿加盟後隨即參與一隊訓練！
唔少人質疑5500萬鎊收購古古利拿的決定，但無論如何個人認為都係一個絕佳收購。大部分車迷最擔心的，是古古利拿與捷維爾位置重疊的問題。然而，古古利拿能勝任左閘、左翼衛、左中場及左中堅，他的多面性令他幾乎無論如何都會在正選名單之內。
在季前熱身賽，儘管杜曹心中渴望踢回四後衛，但估計季初仍然會以三中堅陣式為主。古古利拿去季在白禮頓就常以左中堅姿態上陣，並頻頻上前助攻，包括季初對車仔一役交出一個助攻，及季尾4-0大炒曼聯時攻入一球。
今夏魯迪加離隊，車仔正需要一名出擊力強的左中堅頂替其位置，古古利拿正好可以填補這個空缺。他與捷維爾亦可以互相補位，輪流在左路上前助攻。
更重要的是，捷維爾在重傷復出後，亦要一點時間重拾比賽狀態。由古古利拿直接出任左翼衛，讓捷維爾後備上陣逐漸增加上陣時間，亦是對球隊長遠發展最佳的方案。
閘位球員在現今足球戰術越來越重要，而古古利拿年僅24歲，除了其多面性外更有著出色的傳控和助攻能力。他的加盟將令車仔的進攻更立體，亦能給予杜曹更靈活的戰術調動。個人認為這是一場有買貴冇買錯的交易，但可以肯定的是，手執捷維爾及古古利拿，車仔未來五年都不用再煩惱左路的問題。
Welcome to Chelsea!
請按此登錄後留言。未成為會員? 立即註冊