談談車路士的防守足球 精選

打得呢篇專欄就預左會有好多進攻足球支持者討伐我，甚至連某D車迷都一樣會嚟話我。唔緊要，本人立場堅定，任何意見請和平表達。

我係一位由04年，即係摩連奴第1次入主車仔前一年開始追車既車迷。由摩佬帶領下既車仔首奪冠軍，當時好多其他隊既球迷眼紅，大量"金錢足球" "你玩哂啦" 呢D類似既字眼不斷係耳邊聽到，唔緊要，呢樣唔係今日重點，我只回應一句: 有錢你都要識洗嫁?!

當時摩佬大踢防守足球，可謂令整個英超甚至球壇出現大變天，理由係之前2隊係英超處於領導地位既曼聯同阿仙奴都係進攻足球既表表者，摩佬以全季只失15球既情況下奪冠可謂破了慣例，令全世界看清楚，進攻不是唯一的奪冠方法。可是，限於防守足球的可觀性和娛樂性，車路士開始受到外界抨擊，多場1:0勝仗被批評"踢法消極" "悶到完場"，甚至油王當時都受到動搖，認為這種不該是屬於一隊冠軍球隊的踢法，這是簡接令摩連奴下台的導火線。
時至今日，仍然不斷有球迷、球員、領隊、球評家抨擊車路士，一些新式詞彙例如"擺大巴"，在2012年歐聯決賽後不斷出現，表示看不起防守足球。本人一直十分痛恨這些抨擊，點解足球一定要講求進攻? 防守的就是懦夫?
進攻的球隊，目的就是要以最多既入球擊敗對手。防守的球隊就是先將自己立於不敗之地，再力求以1球的差距將對手擊敗。兩者都係球隊爭取勝利既一種方法，點解其中一種戰術要俾人抨擊??? 防守反擊只係一種戰術，一隊適合防守反擊既球隊就應該防守反擊，難道要一隊防守出色既球隊勉強踢進攻足球嗎? 情況就如要巴塞踢兩翼傳中，根本不合情理。所謂"擺大巴"，係2012年歐聯4強次回合車路士擊敗巴塞後出現。意指全隊11人於自己禁區防守，對方根本無任何方法攻破其大門。我想講既係，如果擺大巴真係咁有用，點解其他隊唔用? 我唔信有任何一隊唔想自己嬴緊1:0既時間可以100%肯定自己已經勝出。理由就係擺大巴並唔等於100%不能被攻破，請唔好將攻力不足歸咎於對方防守"過於嚴密"。相反嚟講，假如己隊大敗俾對手，點解冇人將輸波責任推到"對手攻力太強"???車路士都多次面對對手多人防守係禁區前，最終攻唔破既情景。小弟從來都冇將不能入球既責任推到對方上，只會埋怨己隊進攻能力既不濟 (特別係今季前鋒3個都係廢物既情況下)。再講球賽娛樂性的問題。球賽本身係一場比賽，比賽雙方就係要盡全力將對手擊敗，咁樣先係一場好睇既球賽。車路士既球員盡全力防守，目的就係要嬴出比賽，我睇唔出有任何娛樂性既問題。難道一場10:0既賽事就一定比1:0好睇嗎???再者，球迷應該支持自己愛隊，見到愛隊勝出就係一場賽事帶嚟最大既樂趣，而唔係計較入球既多與少。輸1:0球隊既球迷，亦應該欣賞自己球隊雖然最後不能勝出但努力進攻既表現。
最後，每隊球隊都有自己既風格，我希望所有球迷都尊重其他球隊，唔好覺得進攻足球就係必然，唔好再睇低防守足球。