林柏特金勞踢拖
三人尋日朝早九至十點就先後出動，當中小記有幸跟到保亞斯去海港城百老匯，最終佢成功買到DV（攝影機）。期間手上已有一袋二袋名牌衫等戰利品嘅林柏特同泰利亦先後抵達，同保亞斯三人喺電器舖「重逢」，當中林伯亦買咗相機。雖然林伯當時着人字拖，但戴住金錶嘅佢仍然星味十足。
之後保亞斯、林伯拎住戰利品先後離開，但泰利就繼續行街，去咗玩具反斗城，期間有女球迷衝入舖頭搵泰利影相，泰利仲錫咗女球迷塊面一啖，搞到女球迷喜極而泣。隨後泰利去食pizza hut，可惜當時大排長龍，加上喺等位期間不斷被球迷搵影相，最後泰利無奈地去咗麥記醫肚，之後佢仲想殺落女人街，可惜截咗架過海的被拒載，冇癮下返酒店休息。
艾殊利高爾、林柏特及領隊保亞斯等於前晚賽後凌晨時分於入住酒店酒吧飲酒，A高喺露天酒吧最入面的一張枱，雖然人坐在酒吧，但明顯心不在焉，大班人嘻哈談笑時，佢斯人獨憔悴攤在椅子上，只同一名朋友傾密偈。據知，A高向朋友透露自己仍然深愛Cheryl，而且明知同其他女人鬼混唔啱，但自己仍然不能自拔。訴苦期間，林柏特亦落到酒吧飲酒，林伯對A高訴苦不為所動，反而有女fans搵佢影相就非常歡迎。
卡勞掃中藥 讚掂過軍醫
杜奧巴率領法語系老友於中環shopping，團友包括安歷卡、馬隆達及沙洛文卡勞，潮佬杜奧巴一向鍾情影音產品，掃走咗一部iPod Touch同埋兩個earphone，埋單計數使咗超過六千蚊。
之後入咗間橙色連鎖個人護理產品店，期間小記同沙洛文卡勞傾咗幾句，佢話自己條腰赤赤痛，所以想買啲膏藥，唔舒服點解唔搵球會軍醫按兩嘢呢？卡勞話鍾意中國嘢，覺得中藥特別好，冇乜睇價錢就買晒一大堆貨品。
大疊$500掃LV
四人之後走入LV，型佬杜奧巴起勢咁試鞋，沙洛文卡勞冇睇價錢係咁買，總共用咗超過兩萬蚊，佢埋單嗰陣拎一疊五百蚊出嚟，成個大豪客咁！
唔經唔覺，車路士大軍已經來港數日，一眾「餓狼」亦陸續流露原始一面！車仔「法語四星」尋日率先組四箭頭覓食，其中沙洛文卡勞喺中環「右路爆破」，落底喪追混血女 ；安歷卡仲離譜，女粉絲上前合照竟「快開罰球」搶住「抄牌」，唔夠十分鐘就SMS對方夜蒲，真係追女高手。
車路士前日踢完首場巴克萊亞洲錦標賽大勝傑志四比○後，球員心情相對輕鬆，「香港通」杜奧巴繼續帶住安歷卡、馬隆達及沙洛文卡勞去到中環食飯購物，感受一下「自由行」生活態度。
攝位抄牌 10分鐘「起腳」
四人喺中環某酒店食完Lunch後，就轉戰IFC國金商場行街，期間有不少追星族要求合照簽名，四人都好識做盡量滿足粉絲。其中一名樣貌標致「女車迷」更深得四人歡心，呢位美少女問杜奧巴尋晚去邊以方便追星，殊不知在旁嘅安歷卡立即攝位「抄牌」，成功獲得該位美少女電話號碼。
安歷卡道別唔夠十分鐘，已立即傳SMS畀女粉絲，原句為：「May b i see u tonite but im not sure..I let u know」意思係今晚或許會出來見面，但仍未能確定，我再覆你。
沙洛文卡勞當街嘜豹妹
眼見「巴打」有着落，沙洛文卡勞亦心雄起來，四人喺中環鬧市行行吓，眼見一名身穿豹紋性感熱褲嘅「混血索女」在遠處掠過，沙洛文卡勞即時使出慣常爆破伎倆喪追。雖然「混血女」唔知沙洛文卡勞係球星，但呢位科特迪瓦國腳毫不介意，仲慢慢介紹自己係車路士球星，最終成功交換「老冧」，跟住幾日有冇下文就要下回分解咯！
三人尋日朝早九至十點就先後出動，當中小記有幸跟到保亞斯去海港城百老匯，最終佢成功買到DV（攝影機）。期間手上已有一袋二袋名牌衫等戰利品嘅林柏特同泰利亦先後抵達，同保亞斯三人喺電器舖「重逢」，當中林伯亦買咗相機。雖然林伯當時着人字拖，但戴住金錶嘅佢仍然星味十足。
之後保亞斯、林伯拎住戰利品先後離開，但泰利就繼續行街，去咗玩具反斗城，期間有女球迷衝入舖頭搵泰利影相，泰利仲錫咗女球迷塊面一啖，搞到女球迷喜極而泣。隨後泰利去食pizza hut，可惜當時大排長龍，加上喺等位期間不斷被球迷搵影相，最後泰利無奈地去咗麥記醫肚，之後佢仲想殺落女人街，可惜截咗架過海的被拒載，冇癮下返酒店休息。
艾殊利高爾、林柏特及領隊保亞斯等於前晚賽後凌晨時分於入住酒店酒吧飲酒，A高喺露天酒吧最入面的一張枱，雖然人坐在酒吧，但明顯心不在焉，大班人嘻哈談笑時，佢斯人獨憔悴攤在椅子上，只同一名朋友傾密偈。據知，A高向朋友透露自己仍然深愛Cheryl，而且明知同其他女人鬼混唔啱，但自己仍然不能自拔。訴苦期間，林柏特亦落到酒吧飲酒，林伯對A高訴苦不為所動，反而有女fans搵佢影相就非常歡迎。
卡勞掃中藥 讚掂過軍醫
杜奧巴率領法語系老友於中環shopping，團友包括安歷卡、馬隆達及沙洛文卡勞，潮佬杜奧巴一向鍾情影音產品，掃走咗一部iPod Touch同埋兩個earphone，埋單計數使咗超過六千蚊。
之後入咗間橙色連鎖個人護理產品店，期間小記同沙洛文卡勞傾咗幾句，佢話自己條腰赤赤痛，所以想買啲膏藥，唔舒服點解唔搵球會軍醫按兩嘢呢？卡勞話鍾意中國嘢，覺得中藥特別好，冇乜睇價錢就買晒一大堆貨品。
大疊$500掃LV
四人之後走入LV，型佬杜奧巴起勢咁試鞋，沙洛文卡勞冇睇價錢係咁買，總共用咗超過兩萬蚊，佢埋單嗰陣拎一疊五百蚊出嚟，成個大豪客咁！
唔經唔覺，車路士大軍已經來港數日，一眾「餓狼」亦陸續流露原始一面！車仔「法語四星」尋日率先組四箭頭覓食，其中沙洛文卡勞喺中環「右路爆破」，落底喪追混血女 ；安歷卡仲離譜，女粉絲上前合照竟「快開罰球」搶住「抄牌」，唔夠十分鐘就SMS對方夜蒲，真係追女高手。
車路士前日踢完首場巴克萊亞洲錦標賽大勝傑志四比○後，球員心情相對輕鬆，「香港通」杜奧巴繼續帶住安歷卡、馬隆達及沙洛文卡勞去到中環食飯購物，感受一下「自由行」生活態度。
攝位抄牌 10分鐘「起腳」
四人喺中環某酒店食完Lunch後，就轉戰IFC國金商場行街，期間有不少追星族要求合照簽名，四人都好識做盡量滿足粉絲。其中一名樣貌標致「女車迷」更深得四人歡心，呢位美少女問杜奧巴尋晚去邊以方便追星，殊不知在旁嘅安歷卡立即攝位「抄牌」，成功獲得該位美少女電話號碼。
安歷卡道別唔夠十分鐘，已立即傳SMS畀女粉絲，原句為：「May b i see u tonite but im not sure..I let u know」意思係今晚或許會出來見面，但仍未能確定，我再覆你。
沙洛文卡勞當街嘜豹妹
眼見「巴打」有着落，沙洛文卡勞亦心雄起來，四人喺中環鬧市行行吓，眼見一名身穿豹紋性感熱褲嘅「混血索女」在遠處掠過，沙洛文卡勞即時使出慣常爆破伎倆喪追。雖然「混血女」唔知沙洛文卡勞係球星，但呢位科特迪瓦國腳毫不介意，仲慢慢介紹自己係車路士球星，最終成功交換「老冧」，跟住幾日有冇下文就要下回分解咯！
請按此登錄後留言。未成為會員? 立即註冊