車路士 對 曼城 賽後品評

賽後品評 :

首先評一評今場安SIR既排陣，馬路達＋費托＋卡勞呢個組合，
其實我一半讚一半彈，我覺得費托最好既拍檔暫時係卡勞，
但係最差果個，又係馬路達，有佢就費托都九成無波掂。
但係要讚既就係費托既表現，縱使依然係入唔到波，
不過今日既表現真係好左，跑動多左，有參與防守，
有同隊友合作，可惜最後都係被換走。同埋收起巴巴同安少，
間接令到下半場既調動靈活性提高左，都係取得勝利既關鍵。

另外，要讚既球員當然都係大家有眼睇到既拉美利斯同大韋雷斯，
兩位係2010-2011球季加盟既球員，不僅做到本份，仲入到波為球隊取得重要三分，值得成為全場最佳。

不過完左對曼城呢場波之後，更為費托既信心多份擔憂。
究竟佢依家心諗緊乜，會唔會對雷斯多左種憎恨既感覺呢？
又會唔會對自己既能力有懷疑？同埋，我都有份擔心，
我怕安SIR開始將佢放入後備。

總括而言，今場又係一場代表作，穩固車路士係藍色勢力既地位:)