[球季總結 (1)] 只差歐聯決賽, 車路士2011-12既賽季就會完結 就先黎一個小總結吧 :) [有圖有片]

車路士2011-12球季總結第一集

今年車路士既球季總算係驚濤駭浪,驚心動魄,驚歎不已既一季。2011年6月22日,車路士正式任命葡萄牙年青教頭韋拿斯‧保亞斯為車路士新一任既領隊。以33歲之齡,帶住三冠王既保亞斯威風凜凜咁上任,開始左佢係英超既首個球季,當時真係令車迷有好多憧憬....

係2011年7月13日, 當時既車路士已經有韋拿斯波亞斯執教,已第一場既對手就係韋甘比...車路士當然係輕鬆打敗對手啦,前落 3-0 嬴左。當時大家都覺得係一個好好既開始....班拿約乖巧地射入左個令波,費托亦順順利利入左球季既第一個入波...當一切似順利之際,估唔到既事陸續有來。
http://www.youtube.com/watch?feature=player_embedded&v=x8qeR8w_ge0

今季最特別之處當然就係車路士黎亞洲,兼且訪港啦,我本人亦無放過一切既機會,四出去等去搵,就好似其他車迷一樣,希望同喜歡既球星見個面,影張相咁...係當屆既英超巴克萊亞洲錦標賽車路士先對過香港勁旅傑志以及決賽對住英超球隊維拉,亦同樣地係一眾香港既車迷門前無失威,捧走左今季第一個小冠軍。
http://www.youtube.com/watch?v=O1QFTpdeDX8http://www.youtube.com/watch?v=S9ULkD1yOKM
http://www.youtube.com/watch?v=C9MO1cO4IIM.
http://www.youtube.com/watch?v=BJQZiu7p4d8&feature=related

係今季保亞斯帶領下,其實為了車路士改革,佢簽入左不少新球員仲有女軍醫添~ 例如有馬達,盧卡古,美利斯拉,奧里奧,迪韋拿以及哥圖斯等等....其中馬達更係當中既表表者,首季加盟就為車路士上季 34場,攻入左14個入球,仲成為左車路士今季既最佳球員。馬達既加盟,不但為車路士中場增添左新既動作,新既技術元素,更為費托增添左不少既生氣。

球季一開始,車路士第一個對手就係英超高Q大棍式打法既史篤城,車路士係力拼底下亦只好 0-0完場,的確係令人失望既開始....之後幾場波,車路士分別 2-1 擊敗西布朗以及 3-1 擊敗諾域治,而對諾域治呢場波雖然杜奧巴不幸地被對手門將KO, 但亦係馬達今季攻入第一球既比賽。
http://www.youtube.com/watch?v=lEDvoPNc5u0&feature=related
順風順水既比賽仲經過左 2-1嬴新特蘭,以及歐聯 2-0 輕取利華古遜,當似乎一切順利起來既時候,車路士對住曼聯。儘管車路士表現不錯,但屢屢錯失機會再加上兩個有越位嫌疑的失球,最終藍軍還是以1-3飲恨奥脱福球場....托利斯既空門不入更成為一時皆話,眾敵方球迷既笑柄...
http://www.youtube.com/watch?v=EusI4xO8gVM
不過唔開心既事一直困擾住車路士。係對曼聯賽穹落敗之後,車路士接住落黎 0-0 失左兩分俾富咸,又以 4-1 大勝史雲斯,但係歐聯又以卡勞一個愚蠢既手球,令華倫西亞可以以 1-1 逼和車路士。幸好車路士亦即時作出反彈,連續以 5-1 再大勝保頓,3-1 嬴愛華頓 以及 歐聯 5-0 擊敗亨克,托利斯更梅開二度!! 可惜係車路士順景之際,幸運之神似乎要氣耍藍軍。當時車路士正作客昆士柏流浪 QPR,我相信一眾既車迷一世都唔會忘記呢場波。一支球隊在90分鐘比賽後,幾乎所有人都有牌在身,這罕見的一幕就發生在車路士身上,除了門將施治和提前被換下的兩個人,藍軍其他所有正選球員都從球證福伊那裡領到了牌,加上後備的伊雲諾域也被警告,共計2紅7黃,堪稱本輪英超的一個「奇觀」。車路士上賽季是英超公平競賽榜的頭名,全年只有1張紅牌(艾辛),而本賽季在保亞斯手下,藍軍也從力量型打法向技術流轉變,打新特蘭甚至全隊全場僅有3次犯規。但在當晚,球證福伊卻向發牌機器一樣,衝著藍軍不停的出手。保亞斯賽後說:「我想他是失控了,向一支球隊發牌上了癮……」最終車路士亦以 0-1 慘痛落敗.....
http://www.youtube.com/watch?v=ngIduyZU9mU
不過值得一提的是,即使早早被罰下兩人,車路士依然在下半場打出了令人驚嘆的內容,9個人的藍軍壓住對手進攻,並創造了多次破門機會。90分鐘下來,少兩個人的車路士在比賽內容上依然全面占優,射門14比10,角球6比0、傳球成功率達到81.5%、總傳球328比453、總傳中21比14、控球率也達到58.3%。這哪裡像是9個人在踢?保亞斯說:「今天我對球隊感到非常非常驕傲,我們和曼城還有兩場直接對話,可以把積分上的劣勢彌補回來。」

諸事不利既藍軍車路士接住落黎既比賽都係一沉不起,我個人覺得 QPR呢場波場其實係今季既轉捩點。車路士之後不但係聯賽盃 1-1 愛華頓,更以 3-5慘敗於阿仙奴,泰利既跣腳令人心酸......再者車路士亦係歐聯失意,竟然 1-1 被亨克逼和,繼1-1 和華倫後又痛失兩分,出線形勢開始有點危機.....就算之後車路士以 1-0 擊敗布力般流浪,卻難於遮掩住藍軍既慘況。再分別以同樣 2-1既比數敗於利華古遜以及利物浦腳下。

球隊狀況就如此起起趺趺,要團結也似團結不來,不集中又看似經常回看過去的失利。到了決定性既一戰,車路士由於歐聯出線形勢險惡,需要最少以 3-0打敗華倫西亞才有資格出線 16強。當時車路士一眾球員以及球迷都相信自己,相信球員,也相信命運... 最終,奇蹟降臨車路士身上!!!! 杜奧巴既回歸正正幫助車路士以 3-0 打敗華倫西亞~
http://www.youtube.com/watch?v=IzNeRvZmCCs&feature=related
似乎回勇既車路士當然食住條水就KO埋當時不敗既曼城,一眾既車迷又開始覺得車路士似乎重上正軌了吧~但可惜事與願違,車路士係聖誕快車期間連續 3場比賽 以1-1 同對手打和,更係步入2012年當天,以 3-1 敗於阿士東維拉腳下。倒數當晚,相信大家同我一樣都係開心唔落......

接住落黎既比賽,車路士都係勉勉強強,應嬴既小勝過關,以4勝2和既姿勢迎戰曼聯。對曼聯既賽事,車路士本身係被睇淡既一隊,誰不知車路士只用了 50分鐘既時間就領先曼聯 3-0,當時既我都以為大局以定啦,坐定粒六等完場慶祝....可惜保亞斯既奇怪換人調動加上球員既心散,被曼聯追下一粒追下一粒,最後完場........竟然係 3-3 打成平手。賽後車路士的領隊保亞斯對韋比及助理裁判非常不滿。保亞斯表示,曼聯不應該獲得第二個12碼。他認為,高水平球賽應該由高水平球證執法,但這場比賽的情形並非這樣。我個人亦認為卡希爾果球 12碼根本就係韋碧克自己沖埋去趺低。
http://www.youtube.com/watch?v=aEZBzNhbVMU

接住落黎另一場重要既比賽就係車路士要係 16強對住今季表現神勇,有住三叉戟三箭頭既拿波里,相信大家一聽到對拿波里,以當時既車路士黎講真係等出局...當然事實亦同我地預料既一樣,車路士雖然有馬達先開紀錄,但難掩後防既失球數字,車路士以 3-1 慘痛落敗。香港時間3月4日晚間,這位上任之初意氣風發的葡萄牙少帥走完了自己在車路士的執教生涯,留下的,卻只有深深的遺憾。《鏡報》稱,雖然保亞斯拿到了艾巴支付的1000萬英鎊的毀約金,然而這仍然無法撫慰葡萄牙人那一顆受傷的心靈,在被炒魷魚之後離開車路士球會的那一刻,葡萄牙漢子也是動情的落淚了。不過更令人遺憾的是,自己昔日大部分的弟子甚至都懶得和他道一聲別,說一聲珍重之類的客套話,保亞斯再車路士更衣室內的不得人心可見一斑。

儘管如此,還是有少數保亞斯昔日的心腹愛將向這位少帥送去了祝福。「謝謝你保亞斯!你是一個令人驚奇的傢伙!緊緊的和你擁抱!」後防大將大衛-路斯在其個人推特上表達對保亞斯離去的惋惜。當然,還有保亞斯一手引進的西班牙攻進天王馬達:「此時此刻我想要對保亞斯說一聲好運,我們將繼續不懈的努力並且相信總有撥開雲霧見青天的一天的,謝謝的付出!」
http://www.youtube.com/watch?v=eiVZ2jijX6k&feature=related

[因為太長了,開一個延伸閲讀]請表下方既
[球季總結 (2)] 只差歐聯決賽, 車路士2011-12既賽季就會完結 就先黎一個小總結吧 :)
http://www.fanpiece.com/chelsea/c1057673.html[有圖有片]

留言


請按此登錄後留言。未成為會員? 立即註冊
    快捷鍵:←
    快捷鍵:→